المساعد الشخصي الرقمي

مشاهدة النسخة كاملة : :: هنـا استفسارات الطلاب المستجدين في السنة التحضيرية للكليات الصحية ::


الصفحات : [1] 2 3 4

Dr.MeDo
14-06-2012, 01:26 PM
السلام عليكم ورحمة الله وبركآته ,,

فـي البدآيةة آحب آبآرك لكككمـ بـ النجآح والتخرج ,, وآسأل الله لكمـ التوفيق في حيآتكمـ العلمية والعمـلية ,, وفآلكمـ آلدرجآت العآليه فـي اختبآر التحصيلي

طبعآ بتعرفوون كـيـف آن الثآنوية كآنت حلووهـ بعد مآ تدخلوون الجآمعه وتتمننون انكمـ مآ تخرجتوآ :bz1: :bz1: ,,

لكـن ميزة الجآمعةة آنكـ حر :aq5: ,, مآ فيهآ تقييد مثل المدرسسه :seko: :aq5: ,,

آلكـثـير من الطلاب شآيل همـ التقديمات والجامعات و و و ,,

طبعآ آنآ كنت السنه المآضيه مثلكـمـ ,, لكـن قدّموا على كـل الجآمعآت ,, وآدخلوآ التخصصآت اللي تطمحون لهآ بـأنفسسكمـ ,, والتخصصات اللي لكم رغبة فيها شخصيا ,, مهوب اجبار من الآهـل ,, لآن هنآك مقوولة " الرغبة نصف النجاح "

وكمـآ يسرنـي آرحب بكمـ فـي البرنآمج الموحد للكليآت الصحية بـجامعة سلمان بن عبدالعزيز ( السنه التحضيريه ) <~ وش رآيكمـ قلبت لغة عربية فصحى ض1 ,,


انا سسويت هالموضوع مخصوص لكمـ يآ الطلاب المستجدين ,, آي استفسآرآت أو أي شيء تبوونه مآ عليكمـ إلا تكتبون رد فيذآ ويجيكم الرد خلال فترة قصصيرة جداً إن شآء الله ض17 ض1 <~ 24 سآعة على المنتدى ,,


طبعآ تاريخ التقديم على البرنامج الموحد وكذلك بعض المعلومات اللي بتفيدكم موجود فـي رد اخوي الدكتور عبدالرحمن الله يعطيه العآفيه ض32 ض32 ض32 ,,

http://k-ksu.com/vb/showpost.php?p=190193&postcount=2

آي معلومات آو استفسآرآت آحنآ حآضرين ,, آنتمـ بسس آسسألوا وخلوونآ نمرّن اصابعنا على الكيبورد :bz1: ض17 ,,



لككمـ منـي آغلى التحآيآ ض32 ض32 ض43

Dr.Mohammed.M
14-06-2012, 02:44 PM
ما قصرت يا دكتور ميدو

serpentinae
14-06-2012, 04:21 PM
كموضوووع حلو ومفيييد

بس فيه موضوع في الأعلى مثبت يعتبر مرجع أنا شخصيا إستفدت منه كثيير

بس يمكن فيه أسئلة جديدة

Dr.MeDo
14-06-2012, 08:36 PM
كموضوووع حلو ومفيييد

بس فيه موضوع في الأعلى مثبت يعتبر مرجع أنا شخصيا إستفدت منه كثيير

بس يمكن فيه أسئلة جديدة



صدقت ,,

لكـن إذآ صآر الموضوع جديد بيكون اسهل على الطالب المستجد بكـثير ,, يعنـي رآح يكون آكثر تنظيم من الآول ,, <<~~ مثلآ فيه سؤال في الصفحات السابقة ويجي طالب مستجد يسأل نفس السؤال ,, وفي نفس الوقت صعبه يجلس يقرأ الـ الصفحات كلهآ وكذذآ ,,

عشآن هالسبب آنآ حطيت هالموضوع ض43 ,,

اتمنى وصلت فكـرتـي ي بعدي ض32

سما
15-06-2012, 02:36 AM
وانا بساعدك ان امكن ض1

ALjouhara
15-06-2012, 03:14 AM
السلام عليكم
حابّه اسأل, بيفتحون تخصصات صحيه جديده للبنات هالسنه؟
و من وين أقدّم ع الجامعه!

serpentinae
15-06-2012, 05:27 AM
وعليكم السلام

إلى الآن لا يوجد برنامج موحد للكليات الصحية في جامعة سلمان مخصص للطالبات

وهذا يعني ما فيه كليات للطب والأسنان والصيدلة للبنات في جامعتنا

على الأقل هالسنة الأكاديمية الجاية 1433-1434

فيه كلام شبه رسمي سمعناه إنه يمكن السنه اللي بعدها أو حتى اللي بعد بعدها

الصراحة مافيه شي رسمي

بالنسبة للتقديم طبعا عبر بوابة القبول الموحد للجامعات

Dr.Muhammd
15-06-2012, 08:23 AM
فيـه برنامج موحد للبنات لكن التخصصات المتاحه

هي تمريض و علوم طبيه تطبيقيه

و تكلمنا مع عميد كلية الطب بخصوص البنات قال ان شاء الله عام ٢٠١٤ م نستقبل البنات


و التقديم عن طريق الموقع الموحد للجامعات سعود و سلمان بن عبدالعزيز و شقراء و المجمعه



تفتح البوابة للتقديم باذن الله يوم الجمعة 2شعبان 1433هـ

وهذا رابط البوابة
http://w3.ksm-admit.net/

a7laibrahim
16-06-2012, 03:03 AM
انا طآلب ثآنوي توني متخخرجج ..

متردد بين الطب الهندسه ..

خايف من اكثر من شي .. اولها الصعوبه في الطب وثاني شي الانجليزي عندي صففر ..

وكم المعدل المطلوب في التحضيريه عشان ادخل الطب + كم عدد طلاب التحضيريه وكم عدد الي بيدخلون الطب وكم عدد حقين الاسنان << اطول سؤال يمر عليك :bz1:

Dr.Abdulrahman
16-06-2012, 09:59 AM
انا طآلب ثآنوي توني متخخرجج ..

متردد بين الطب الهندسه ..

خايف من اكثر من شي .. اولها الصعوبه في الطب وثاني شي الانجليزي عندي صففر ..

وكم المعدل المطلوب في التحضيريه عشان ادخل الطب + كم عدد طلاب التحضيريه وكم عدد الي بيدخلون الطب وكم عدد حقين الاسنان << اطول سؤال يمر عليك :bz1:


اولا
ع البركة التخرج ض1

شف وانا اخوك
اهم حاجة .. رغبتك .. لان هي الاساس ض34

الدراسة مو سهله لا في الطب ولا في الهندسة
كلها تعتمد عليك
تذاكر اول باول وتشد حيلك
بتحصل امورك تمام ان شاء الله :aq5:

وبالنسبة لـ اللغة :az1:
صارت مطلب اساسي بكل الاقسام

استغل اجازتك وطور من لغتك
معهد تدريب وزي كذا

كثير اعرفهم .. دخلوآ الجامعة و اللغة صفر
بس اشتغل ع نفسه ومع الوقت تتطور اللغة

نجي للمعدل وعدد الطلاب
المعدل مو ثابت يتغير ع حسب مستوى الدفعة .. اذا الشباب شادين حيلهم يرتفع والعكس صحيح

وعدد الطلاب السنة الماضية ( صحية ) كان حوالي 500 في البداية
والعدد بدا يقل مع الوقت

اما بالنسبة لكم .. هالسنة عدد القبول راح يزيد



اتمنى اكون افدتك

وب التوفيق ي رب ض32

Dr.MeDo
16-06-2012, 03:49 PM
اولا
ع البركة التخرج ض1

شف وانا اخوك
اهم حاجة .. رغبتك .. لان هي الاساس ض34

الدراسة مو سهله لا في الطب ولا في الهندسة
كلها تعتمد عليك
تذاكر اول باول وتشد حيلك
بتحصل امورك تمام ان شاء الله :aq5:

وبالنسبة لـ اللغة :az1:
صارت مطلب اساسي بكل الاقسام

استغل اجازتك وطور من لغتك
معهد تدريب وزي كذا

كثير اعرفهم .. دخلوآ الجامعة و اللغة صفر
بس اشتغل ع نفسه ومع الوقت تتطور اللغة

نجي للمعدل وعدد الطلاب
المعدل مو ثابت يتغير ع حسب مستوى الدفعة .. اذا الشباب شادين حيلهم يرتفع والعكس صحيح

وعدد الطلاب السنة الماضية ( صحية ) كان حوالي 500 في البداية
والعدد بدا يقل مع الوقت

اما بالنسبة لكم .. هالسنة عدد القبول راح يزيد



اتمنى اكون افدتك

وب التوفيق ي رب ض32

+1 ..

لا هنـت يا عبدالرحمـن ,, ض32 :aq5: ,, لكـ منـي كـل الشككـر ض32 :aq5:

طبعآ عبدالرحمن يقصد بالسنه الماضيه الـلـي هي الـسنه 1432 - 1432 هـ ,,


وآحب آضيف على كـلآم الدكتور عبدالرحمن حبيب قلبـي ض32 ,,

لا تخلـي الآنجليزي يكون عائق لكـ ,, الآنجليزي إذآ دخلت الجامعه بتندمج معه وتتأقلم ,, بس يبي لك شوي انتباه مع الدكتور وهو يشرح ,,

وتذكـر دائماً

" الرغبة نصف النجاح " ,, يعنـي لآ تدخل تخصص وانت ما تبيه ,, او تدخله عشآن سمعته ,, ادخل التخصص اللي ودك فيه وتحبه ض32 ,,


وبعطيك بعد نصيحة صغيرورهـ ,, شف توقيع دكتور محمد ,, < مجروح سابقاً :bz1: ,, وخـل الكلمات هذي بـمخكـ ,,


آتمنى لكـ التوفيق يآلغآلـي ض43 ,,

و تقـبـل مرووري ض32

DR.B
17-06-2012, 02:38 AM
السلام عليكم

كم المعدلات السنة الماضية وهل لازم تكون نسبتي المركبة فوق 80 ؟؟

روآد المستقبل
17-06-2012, 02:38 AM
طيب ي اخوان انا من الرياض هل تنصحوني بالشقة؟ وكم تكون لو اخذت غرفة بحمام اكرمكم الله وان تكون اكثرها طلاب وكذآ وجزاكم الله خير

DR.B
17-06-2012, 02:48 AM
طيب ي اخوان انا من الرياض هل تنصحوني بالشقة؟ وكم تكون لو اخذت غرفة بحمام اكرمكم الله وان تكون اكثرها طلاب وكذآ وجزاكم الله خير


اي والله ي شباب كم الشقق في الخرج لاني ناوي اخذ وحدة هناك ابيها حوة يعني ض1

Dr.Muhammd
17-06-2012, 03:25 AM
الشقه بحدود الـ ١٢٠٠ بالشهر

اذا انت من سكان شمال او جنوب الرياض انصحك بالسكن اما اذا من الشرق لا تفكر امسك الخط احسن لك

Dr.Muhammd
17-06-2012, 03:28 AM
السلام عليكم

كم المعدلات السنة الماضية وهل لازم تكون نسبتي المركبة فوق 80 ؟؟

المعدلات القبول ما تعلن

اما المعدل المطلوب على حسب المتقدمين اذا نسبهم عاليه راح ترتفع النسبه

لكن غالبا يقبلون

موفق وان شاء الله نشوفك معنا السنه الجايه

Dr.MeDo
17-06-2012, 12:01 PM
طيب ي اخوان انا من الرياض هل تنصحوني بالشقة؟ وكم تكون لو اخذت غرفة بحمام اكرمكم الله وان تكون اكثرها طلاب وكذآ وجزاكم الله خير

دآمكـ سآكـن بالريآض ,, نصـيحه داوم يومـي ,, لآن ثلاث ارباع الطلاب يداومون من الرياض يومياً ,, وحتى لو استأجرت ترآ بتطفش ,, إلا لو كنت تقول ابغى آذآكـر آنآ آقول لك استأجر ,, لآنك لو جلست عند الاهـل ما راح تدرس ,, لكن إذآ صرت لحآلكـ أو معك خويكـ "واهم شيء اختر الخوي الصالح اللي يساعدك على الاشياء الزينه " إذآ صرت لحالك او معك خويك بتذآكرون آكثر من مذآكرتكم في البيت ,, ( نصيحة مجرب )

اي والله ي شباب كم الشقق في الخرج لاني ناوي اخذ وحدة هناك ابيها حوة يعني ض1

آسعآر الشقق من 1000 - 1300 <~ غرفة وحمـآم و مطيبخ ,, لكـن إذآ تبي شقه بتحصلها يمكن من 1500 وحولها <~ غرفتين و و وو ,,


بـ التوفيق يآ رب للجميع ض32 ض33

DR.B
18-06-2012, 01:36 AM
اووووف والله غالية 1300 شهريا يني لو قلنا 1300 في 9 اشهر تقريبا 11الف و700 ميه

يعني انا ودي اسكن بالخرج م ودي اجلس عند اخواني اثقل عليهم صراحة

طيب ممكن احصل غرفة ودورة مياة ومطيبخ > حلووووة مطيبخ ههههه

وتكون رخيصة نوعا ما ؟؟


_____________________
طيب انا لا قدر الله نسبتي رح تكون تحت 80 المركبة لو اخذت درجة تحت 70 في التحصيلي

هل فيه امكانية ادخلف ؟؟

Special One
18-06-2012, 01:45 AM
^ ممكن تلقا ارخص بس تكون بدون اثاث ، بدون نت ، مافيها حارس ، النظافه لك عليها ،

لكل الشباب اللي ناوين يدرسون بالخرج نصيحتي لكم جربة الوضع اول اسبوعين وقررو ، اغلب العيال يستاجرون الشهر الاول ويسحبون
موفقين ور١

Dr.Muhammd
18-06-2012, 01:52 AM
اللي يفكر يستاجر ممكن تلقى شقه سنويه بحدود الثمانيه الاف

تكون ارخص لك وبالنسبه للنت اشترك بالـ dsl بـ ١٥٠ ريال بالشهر

اشوف بعض الطلاب مسوين هالحركه

وانصحكم انكم تجربون اول اسبوعين مثل ما قال المزهـ اللي فوقي ض1

DR.B
18-06-2012, 02:28 AM
د. المزة ض1
اووما م فيها حارس كيف يعني ؟؟؟
وبدون اثاث بدون تيفي ؟ وبدون فرش ومكيفات ؟؟

د. محمد / النت لا مابية عندي نت انا ولله الحمد يعني يبطي ياخذ 150 خخخخخخ

Dr.Muhammd
18-06-2012, 02:39 AM
انا اللي اقصده اذا بيتك بعيد عن طريق الخرج يعني باخر الرياض

بالشفا و السويدي و البديعه و المناطق ذي <<ما يعرفها

انصحك تستاجر لان اشوف ربعي متعذبين من مسكت الدايري كل يوم

اما اذا في شرق الرياض او جنوب الرياض بس قريب من الخرج انصحك تجرب تمسك الخط يوميا

انا مسوي كذا من سنتين وداخل على السنه الثالثه ومرتاح والله ما ياخذ الطريق من باب البيت الى الجامعه ٤٠ دقيقه امشي ١٢٠


وتشوف اذا ناسبك الوضع تكون عند اهلك ومرتاح

وترى الخط مع الوقت تتعود عليه انا لو يقول لي اخوي مشينا لطريق الملك فهد قلت له بعيد ما لي خلق بس لو يقول لي مشينا للخرج قلت قدام

لاني تعودت على الطريق و احس انه قصير



اما السكن زي ما قلت لك خذ سنوي وحط اثاثك انت لو تقدر
او خذ وحده نظيفه و تكون جديده لو معزم على السكن رح دور من شعبان عشان تلحق على النظيف

DR.B
18-06-2012, 02:48 AM
انا اللي اقصده اذا بيتك بعيد عن طريق الخرج يعني باخر الرياض

بالشفا و السويدي و البديعه و المناطق ذي <<ما يعرفها

انصحك تستاجر لان اشوف ربعي متعذبين من مسكت الدايري كل يوم

اما اذا في شرق الرياض او جنوب الرياض بس قريب من الخرج انصحك تجرب تمسك الخط يوميا

انا مسوي كذا من سنتين وداخل على السنه الثالثه ومرتاح والله ما ياخذ الطريق من باب البيت الى الجامعه 40 دقيقه امشي 120


وتشوف اذا ناسبك الوضع تكون عند اهلك ومرتاح

وترى الخط مع الوقت تتعود عليه انا لو يقول لي اخوي مشينا لطريق الملك فهد قلت له بعيد ما لي خلق بس لو يقول لي مشينا للخرج قلت قدام

لاني تعودت على الطريق و احس انه قصير



اما السكن زي ما قلت لك خذ سنوي وحط اثاثك انت لو تقدر
او خذ وحده نظيفه و تكون جديده لو معزم على السكن رح دور من شعبان عشان تلحق على النظيف

امممممم م اكذب عليك حنا ساكنين بالشفى بس هناك بيتنا واخواني جالسين فيه اما اهلي جنوب الرياض 200 كم تقريبا وعن الخرج ساعة ونصف تقريبا
وصعبه زي ماقلت ولا ابي اثقل على اخواني
لذالك ودي اخذ هناك

بس الحين حنا متحمسن ولا ندري ننقبل ولا لا ض1

Dr.MeDo
18-06-2012, 01:27 PM
امممممم م اكذب عليك حنا ساكنين بالشفى بس هناك بيتنا واخواني جالسين فيه اما اهلي جنوب الرياض 200 كم تقريبا وعن الخرج ساعة ونصف تقريبا
وصعبه زي ماقلت ولا ابي اثقل على اخواني
لذالك ودي اخذ هناك

بس الحين حنا متحمسن ولا ندري ننقبل ولا لا ض1

إن شآء الله انكـ بتنقبـل ,,

ومن ناحية السكـن ,, آسسعآر الشقق المفروشه ( مهـيب ذيك الفخمه ,, يعني عاديه ) سعرها بـ 1000- 1100 ,, من هالقيمة وفيها ,, بسس إذآ انت صآمـل انك تسكن بالخرج يعني ما تبي كل يوم تدق مشوار ,, استاجر بـ 6 شهور أو سنه ,, وتكون غير مؤثثه ,, انت اللي تحط الآثآث اللي تبيه ,, لكــن الآفضل آنك تجرب اسبوعين مثل ما قاآلوآ العيآل ,, وبعدها تقرر ,,

عممومـآ آلآمر آولاً و أخيرآ رآجع لكـ و لـضروفكـ ,,

بخصووص القـبـول ,, إذآ انك تقول ان نسبتك المركبة 80 تقريباً ,, إن شآء الله بيقبلونكـ ,, أنا العام الماضي أقل منكـ والحمدلله قبلوونـي ,, <~ خفس فيني التحصيلي جعله الصلاخ :bz1: ,,

آتمنى لكـ التوفيق إن شآء الله ,,

غربة مشاعر
18-06-2012, 06:45 PM
السلام عليكم لو سمحتوا فيه مقابله في البرنامج الموحد للكليات الصحيه للبنات ؟؟؟؟؟
يعني قبل تسليم الملف او والتمريض؟؟؟


اللي سجل العام ممكن يفيدني:aq5:ض33

حالمة
18-06-2012, 08:08 PM
السلام عليكم لو سمحتوا فيه مقابله في البرنامج الموحد للكليات الصحيه للبنات ؟؟؟؟؟
يعني قبل تسليم الملف او والتمريض؟؟؟


اللي سجل العام ممكن يفيدني:aq5:ض33


وعليكم السلام والرحمة ض32:aq5:

أنا اللي أخبرهـ على وقتي مافيه عطيهـم الأوراق والبيانات المطلوبة كاملة

ويسجلونك ويوصلك الرقم الجامعي على الجوال وقضينا ووضعك تمام ض32ض1

Dr.MeDo
19-06-2012, 01:43 AM
السلام عليكم لو سمحتوا فيه مقابله في البرنامج الموحد للكليات الصحيه للبنات ؟؟؟؟؟
يعني قبل تسليم الملف او والتمريض؟؟؟


اللي سجل العام ممكن يفيدني:aq5:ض33

وعليكم السلامـ ,,

والله بالنسبة للبنات ما عندي معلومهـ ,, يمكن يفيدونك الآخوآت ,,

آمّا بالنسبة لـنـآ احنآ يالأولاد ,, نعمـ فيه مقآبلة شخصية في البرنامج الموحد للكليات الصحية ,, قبل تسلمهم الملف ,, وإذآ قبلوك في البرنامج يرسلون لك رسآلة على جوالك عشآن ترسلين لهمـ الملف والأوراق المطلوبة عبر البريد الممتاز ,, وبعد كم يوم بتجيك رسآلة على جوالكـ انه وصلت اوراقك ,, وهذآ رقمك الجامعـي ,,

^^^
هذآ للأولاد ,

لكـن البنآت مآ آدري بصصرآحةة عن الإجراءات ,,

وعليكم السلام والرحمة ض32:aq5:

أنا اللي أخبرهـ على وقتي مافيه عطيهـم الأوراق والبيانات المطلوبة كاملة

ويسجلونك ويوصلك الرقم الجامعي على الجوال وقضينا ووضعك تمام ض32ض1

الله يعطييتس العآفيه يآ حآلمةة :aq5::aq5: :و1:

DR.B
19-06-2012, 06:34 AM
وعليكم السلامـ ,,

والله بالنسبة للبنات ما عندي معلومهـ ,, يمكن يفيدونك الآخوآت ,,

آمّا بالنسبة لـنـآ احنآ يالأولاد ,, نعمـ فيه مقآبلة شخصية في البرنامج الموحد للكليات الصحية ,, قبل تسلمهم الملف ,, وإذآ قبلوك في البرنامج يرسلون لك رسآلة على جوالك عشآن ترسلين لهمـ الملف والأوراق المطلوبة عبر البريد الممتاز ,, وبعد كم يوم بتجيك رسآلة على جوالكـ انه وصلت اوراقك ,, وهذآ رقمك الجامعـي ,,

^^^
هذآ للأولاد ,

لكـن البنآت مآ آدري بصصرآحةة عن الإجراءات ,,



الله يعطييتس العآفيه يآ حآلمةة :aq5::aq5: :و1:


صراحة يخوفون بذا المقابلة يعني يمكن تنقبل ويمكن لا ؟؟؟

طيب وش اسالتهم وش نوعها ؟؟

الله لا يهينك ض32

Dr.Muhammd
19-06-2012, 11:05 AM
المعتصم بالله بينزل موضوع عن التسجيل وانا بكتب لكم عن المقابله الشخصيه

لا تشيل هم

تراها سهله

زي ما قلت لك اذا فتح التسجيل بننزل موضوع عن طريقه التسجيل وانا بكتب عن المقابله

wax
19-06-2012, 11:21 AM
صراحة يخوفون بذا المقابلة يعني يمكن تنقبل ويمكن لا ؟؟؟

طيب وش اسالتهم وش نوعها ؟؟

الله لا يهينك ض32


لا ما اتوقع احد يفشل و ما ينقبل في المقابلة الشخصية

DR.B
20-06-2012, 12:23 AM
المعتصم بالله بينزل موضوع عن التسجيل وانا بكتب لكم عن المقابله الشخصيه

لا تشيل هم

تراها سهله

زي ما قلت لك اذا فتح التسجيل بننزل موضوع عن طريقه التسجيل وانا بكتب عن المقابله


اشكرك بعنف الله يجزاك خير ض32

a7laibrahim
20-06-2012, 08:05 PM
طيب سؤال ..


لو وش المواد الي تدرسونها في التحضيريه ..

اقدر اجيب مدرس خصوصي لو صار شي صعب علي والا ما فيه مدرسين خصوصيين ؟

ادري اشغلتككم .. 8^**^8

Dr.Muhammd
20-06-2012, 08:40 PM
شف هذه المواضيع

بتفيدك

http://k-ksu.com/vb/showthread.php?t=12707

http://k-ksu.com/vb/showthread.php?t=17524

a7laibrahim
20-06-2012, 09:29 PM
د. عبدالرحمن + د. محمد صراححه اححسن ثنين يردون علي يبردون الخاطر .. ض32

Dr.MeDo
20-06-2012, 11:40 PM
د. عبدالرحمن + د. محمد صراححه اححسن ثنين يردون علي يبردون الخاطر .. ض32

آنآ آشهد انكـ صدقت ,,

والحق ينقآل ,, "شهادة حق "

يسستآهـلوون كـل خـيـر قسسم بالله ,,

فوديتكم يآ نحيفيين انتم ض17 ض17 <~ أشوى انـي منيب نحيف :bz1: :bz1: :bz1: ,,


حمموود :aq5: ض32

دحووم :aq5: ض32

Dr.is3d
21-06-2012, 12:58 PM
السلام عليكم :")
الله حيهم .. ع البركه التخصص للدفعه الماضيه ق1
حبيت أسأل ياحبايب ، كم وقفت النسبه المركبه العام الماضي هنا ؟

لاهنتوا :")

Dr.Abdulrahman
21-06-2012, 02:12 PM
وعليكم السلام

هلا والله اخوي سعد
الله يبارك بعمرك .. وعقبال ما تبشرنا بقبولك

بالنسبة للنسبة المركبة
محد يعرف ع كم وقفت .. ما يعلنون

انت كم نسبتك المركبة
٣٠٪ ثانوي + ٣٠٪ قدرات + ٤٠٪تحصيلي
اذا انت حول ٨٠ وضعك حلو ان شاء الله
واذا فوقها افضل

و بالتوفيق ي رب

.. رآيقـ ..
21-06-2012, 02:20 PM
السلام عليكم :")

الله حيهم .. ع البركه التخصص للدفعه الماضيه ق1
حبيت أسأل ياحبايب ، كم وقفت النسبه المركبه العام الماضي هنا ؟


لاهنتوا :")




وعليكم آلسسلآم ..

الله ميير يحيك زوود .. الله يبارك فيك وعقبالكم يَ الدفعه القادمة ض1

النسبه المركبه ليس لها حد معين توقف عنده .. يعني في كل سنه تختلف حسب المقاعد المتاحه للسنه التحضيريه + الاعلى نسب مركبه متقدمين لها

يعني ما اعتقد انك بتستفيد اذا عرفت كم وقفت عنده السنه الماضيه

في الاخيييير تمنياتي لك ب التوفيق و ان شاء الله نشوفك في الدفعه القادمه ض32

Dr.MeDo
21-06-2012, 02:41 PM
السلام عليكم :")
الله حيهم .. ع البركه التخصص للدفعه الماضيه ق1
حبيت أسأل ياحبايب ، كم وقفت النسبه المركبه العام الماضي هنا ؟

لاهنتوا :")

وعليكم السلام ورحمة الله وبركآته ,,

الله يحييكـ ,, قصصدي حيآك الله انت ض17 ض1 ,,

الله يباآركـ فيـكـ وعقبآلكـ إن شآء الله السنه الجآية ,,

مثل ما قآل دكتور عبدالرحمن جامعتنا مآ يعلنون ,,

بسس آنت قدّم وإن شآء الله بتتيسر الآمـور ,, لآن الآمر الآن بيد الله ,, التحصيلي والقياس والثانوي كله طلع ,, يعني حتى لو تعرف النسبة المركبة مآ رآح تقدر تغير شيء ,,

لكـن قدّم وإن شآء الله يقبلونكـ ,, طبعا التقديم يبدأ بكـرهـ ,, وهو تقديم موحد ,,

جامعتنا وجامعة شقراء وجامعة المجمعه و جامعة الملك سعود ,,


ض32 ض32 ,,

تحيآتـي ض32

Dr.is3d
21-06-2012, 03:19 PM
الله يخليكم كلياتكون ق١
أنا مركبتي 81.81 كيف التميز بس ذذ
إي بقدم باتسر و بأخلي الخرج أول رغبه عسى الله يعين و ييسر ق١
وان شاء الله أبشركم بقبولي :")

Dr.Muhammd
21-06-2012, 03:25 PM
بالتوفيق

Dr.Abdulrahman
21-06-2012, 03:28 PM
الله يخليكم كلياتكون ق1
أنا مركبتي 81.81 كيف التميز بس ذذ
إي بقدم باتسر و بأخلي الخرج أول رغبه عسى الله يعين و ييسر ق1
وان شاء الله أبشركم بقبولي :")


ان شاء الله
ان أمورك بتكون حلوه

و بالتوفيق ي رب

Dr.is3d
21-06-2012, 03:31 PM
للجميع محمد :")
ان شاء الله يا بعدي عبدالرحمن :")

DR.BEZL
21-06-2012, 04:29 PM
وش الجامعات اللي بدت فيها التقديمات :qi2: ؟

Dr.MeDo
21-06-2012, 05:19 PM
وش الجامعات اللي بدت فيها التقديمات :qi2: ؟


البترول بدأ وانتهى ,,

وفيه كم جامعه بدأت بعد ,, بسس والله مدري وش اساميها ,, فيه اشياء بدأت 19/7 ,,

بسس جآمعتنآ والآربع جآمعآت اللي معهآ يبدأ التقديم بكـرهـ ض32

Dr.is3d
21-06-2012, 11:11 PM
التقديم فتح ، لكن أنا انلخمت جججدا !
حطيت صحيه وكذا وتلقائي تطلع الرغبات الصحيه يسار
لكن جامعة سلمان ماظهرت أبدا !!
خطأ منهم ؟! ، ولا انتظر لبكره !!

سما
21-06-2012, 11:14 PM
انتظر بكرا ياسيد

Dr.MeDo
22-06-2012, 12:39 AM
التقديم فتح ، لكن أنا انلخمت جججدا !
حطيت صحيه وكذا وتلقائي تطلع الرغبات الصحيه يسار
لكن جامعة سلمان ماظهرت أبدا !!
خطأ منهم ؟! ، ولا انتظر لبكره !!


ايه إذآ حطيت صحية تطلع الصحيه يسار تلقائياً ,, لكـن مآ لقيت جآمعة سلمآن !؟! هذي اكيد مشكله عندهـمـ ,,

بسس سؤآل كم عدد الرغبآت اللي تجيك على اليسآر تلقائياَ ؟؟


بصرآحة مآ فهمت وش تقصصد بالضبط فـي ان جامعة سلمان ما طلعت ,,

لكـن آنت آنتظر لمـآ بكـره إن شآء الله تطلع ض32 ,,

وآتوقع فيه مشكله عندهمـ ,, لآن الحين عندي واحد من العيآل يحآول يدخل يرفض معه ,, لمآ يدخل كلمة التحقق الي في الصورهـ ما يدخلهـ ,,


ض32 ض32 ,,

بالتوفيق ض32

Dr.is3d
22-06-2012, 12:53 AM
http://www.m5zn.com/uploads3/2012/6/21/photo/062112130659av3cvn5b8ol.png

اتوقع بتفهم كل اللي قلته ذذ

Dr.MeDo
22-06-2012, 01:01 AM
آهآآآ ,,

فهــمت عليكـ ,,

بسس ترآ مثل ما قلت لك فيه مشآكل فـي التقديم حقهمـ ,,

آنآ آبحآول آجرب آلآن واعطيك خبر ض32 ,,


ثوآنـي بسس

المعتصم بالله
22-06-2012, 01:04 AM
انزل تحت بالرغبات الي يمين تلقاها كلها

موجوده

Dr.MeDo
22-06-2012, 01:13 AM
انزل تحت بالرغبات الي يمين تلقاها كلها

موجوده

يبدو لـي انه فـيه مششكلهـ موقعهـمـ ,,

آنآ سجلت حسآب جديد ومدري شكلي اعدمت تسجيلي بالجامعه ,, لآنه قال هل تنتمي لجامعه او شيء قلت لا ض1 ,,



=====

مآ علينآ ,

====

اللي موجوده تحت الرغبات الكليات العلمية مهيب الصحية ,, الصحية موجود جامعة الملك سعود والمجمعه !!




ض32 ض32

Dr.is3d
22-06-2012, 01:14 AM
لقيتها يابعدي :"")
بس إذا وديتها يسار ما أقدر أرتبها
لأنهم ما اعتبروها من ضمن الكليات الصحيه !!
فأضطر أحذف التخصصات الصحيه وأخلها لحالها !!
و ما أبي حفظ الرغبات وسلمان لحالها أبي تحتها سعود و بس
شكله خلل منهم : /

Dr.is3d
22-06-2012, 01:16 AM
http://www.m5zn.com/uploads3/2012/6/21/photo/062112140643n73quium34yw8qr1s905lc97.png

يطلع هيك : /

Dr.MeDo
22-06-2012, 01:19 AM
http://www.m5zn.com/uploads3/2012/6/21/photo/062112140643n73quium34yw8qr1s905lc97.png

يطلع هيك : /

والله مدري يآخوي ,, لكـن اللي وآضح انه فيه مشكله في موقعهم ,,


انت انتظر لين بكرهـ ثم قدمـ ,, مآ رآح تخسر شيء ,, اللي يقدم الأول واللي يقدم الآخير سوآ ,,



فـ آنت آنتظر لين يضبط موقعهم وبعدين قدمـ ,,


بصصصرآحة انا شكلي جبت العيد , ,قآموا يرسلون لـي على الجوال يقولون كمّل بياناتكـ هههههههههههه وانا ما ابي اسجل عندهمـ ,, ابغى اجلس بجامعتي :(




الله يسستر لا يكون خربت ام المستقبل :bz1: ,,


ض32 ض32

.. رآيقـ ..
22-06-2012, 01:53 AM
http://www.m5zn.com/uploads3/2012/6/21/photo/062112140643n73quium34yw8qr1s905lc97.png

يطلع هيك : /




احذف جميع الرغبات الاخرى غير الصحية , واذا ما قدرت احذفه كلها << يعني رجعها يسسار

وابداء بترتيب الرغبات من جديد

+

كل الكليات الصحيه تكون هي الاوله .. يعني كل الجامعات اللي فيها سنوات تحضيرية صحية تحطها فوق


و بشششرنا ض32

المعتصم بالله
22-06-2012, 02:18 AM
ايه صح انت مختار الرغبات الصحيه وباقي الكليات لذالك لازم تحط رغبه ع الاقل للكليات الصحيه وهي تكون اول الرغبات

اذا ما تبي رغبات صحيه
اختر باقي الكليات بس وبكذا ما رح تقبل الا بباقي الكليات وحسب ترتيبك لها

انا توني مسجل ما فيه اي مشكله كل الرغبات موجوده

Dr.is3d
22-06-2012, 02:34 AM
لبى قلبكم والله على تفاعلكم معي ق1
أنا حذفت كل الرغبات الصحيه اللي يسار
ثم حطيت جامعة سلمان الصحيه حلو ؟
اذا أضفت جامعة سعود يخليها أول رغبه والثانيه سلمان
اذا بغيت أخلي سلمان الأولى مقدر لأنه معتبره من باقي الكليات !

بصبر لبكره او بعده ان زانت ولا بخليها تزين :@ ذذ

Dr.is3d
22-06-2012, 02:48 AM
+ المعتصم لا هنت صورها لي بأشوف كيف انت مسوي !

Dr.Muhammd
22-06-2012, 03:47 AM
بالفعل انا جربت وصار معي نفس الشئ

واضح انهم يعاملون البرنامج الموحد مو من الكليات الصحيه

لان اي كليه صحيه غيرها ممكن تعدل عليها الا هي

زي ما قالوا الاخوان انتظر الى بكرا وان شاء الله لها حل

:bz1:

طالبة العلم
22-06-2012, 03:59 AM
ياربيه ومتى بتنحل المشكلةةةة ....؟؟؟؟ الغلط من نفس النظام انهم معتبرين جامعةة سلمان مو صحيه ...,,, ومتى راح تنحل ان شاء الله ان تسكر التسجيل

Dr.Muhammd
22-06-2012, 04:01 AM
لا نقول ان شاء الله بكرا

وانا مهتم بالموضوع لان اخوي بيسجل ان شاء الله

طالبة العلم
22-06-2012, 04:05 AM
و السوات طيب ...؟ بتروحون لهم والا وش السالفه ..؟؟

Dr.MeDo
22-06-2012, 10:34 AM
و السوات طيب ...؟ بتروحون لهم والا وش السالفه ..؟؟

لآ يآ آختـي طولـي بآلكـ وإن شآء الله بيصلحوونهآ اليوم ,,


آنآ رآسلتهم على إيميلهم الموجود فـي الموقع ., وعلمتهمـ بـ المشكلة ,,

وإن شآء الله يصلحووونهـآ ,,

وحتى لو ما صلحوها اليوم بيصلحونها بكرهـ ,, لآنه على هالوضع بيكون ما فيه ولا طالب يسجل في البرنامج الموحد للكليات الصحية للسنه الجايه ,, وبيعرفون ان المشكله من عندهمـ ,, <~ فهمـتـوا عـلـي ,,


عمومآ آنآ رآسلتهم وإن شآء الله خـيـر ,,


:aq5:


تحيآتـي ض32

Dr.MeDo
22-06-2012, 10:52 AM
هذآ رآبط شرح طريقة التسجيل ,, من الآخ العزيز ض32 ض32 المعتصم بالله ض32 ض32 ,, الله يعطييه الف عافيه ويجزاهـ خـيـر ,, وجعلها بموازين حسناته

http://k-ksu.com/vb/showthread.php?t=17589

لمـن يريدهـ ض32 ض32 ,,




المعتصم بالله ـ :aq5::aq5: :و1: ض32

DR.B
22-06-2012, 01:28 PM
شباب يقولي لازم تحط اسم العايلة بالانجليزي واهو مكتوب اصلا ويقول خطا وش السالفة ؟؟؟

DR.B
22-06-2012, 01:43 PM
الخرج م لقيتها ضمن الرغبات ل البرنامج الموحد للكليات الصحية

DR.B
22-06-2012, 01:46 PM
شباب فيه احد ؟؟

Dr.is3d
22-06-2012, 02:18 PM
اسم العائله لا تخلي فيه شيء زي كذا :،'_- < الزبده الحركات اللي زي كذا لا تخليها فيه ذذ
و مشكلة ان الخرج مب موجوده في الرغبات ، هي موجوده تحت
لكن مب ضمن الصحيه ماندري ليه !

Dr.is3d
22-06-2012, 02:21 PM
+ لاهنتوا أبي رقم تواصل مع عمادة التسجيل والقبول
ما أبي إيميل يسلكون لي أو شيء .. أبي أتواصل برقم :")

DR.B
22-06-2012, 02:22 PM
اوك مشكور اخوي بس زي ماقلت انت ماهي ضمن الصحية

DR.B
22-06-2012, 02:23 PM
+ لاهنتوا أبي رقم تواصل مع عمادة التسجيل والقبول
ما أبي إيميل يسلكون لي أو شيء .. أبي أتواصل برقم :")

ممكن تحصلة في الموقع او اصبر باسال خويي الحين ان شاء الله

Dr.MeDo
22-06-2012, 02:41 PM
+ لاهنتوا أبي رقم تواصل مع عمادة التسجيل والقبول
ما أبي إيميل يسلكون لي أو شيء .. أبي أتواصل برقم :")

رقم والله موب عندي ,,

بسس بسسأل واحد من العيآل , خابره قبل كم يوم يسأل عنه ,, بشوف لو وصله الرقم جبته لكـ ,,

تحيآتي ض32

Dr.Muhammd
22-06-2012, 02:56 PM
شباب يقولي لازم تحط اسم العايلة بالانجليزي واهو مكتوب اصلا ويقول خطا وش السالفة ؟؟؟



لازم تكتب نفس اللي بجواز السفر

الخرج م لقيتها ضمن الرغبات ل البرنامج الموحد للكليات الصحية



موجود جامعه سلمان بن عبدالعزيز - البرنامج الموحد للكليات الصحية -عام

DR.B
22-06-2012, 03:18 PM
لازم تكتب نفس اللي بجواز السفر



موجود جامعه سلمان بن عبدالعزيز - البرنامج الموحد للكليات الصحية -عام

مع الاسف م عنديش جواز سفر
بس خلاص المشكلة هذي حليتها صار لازم بدون فواصل او -_./

Dr.is3d
22-06-2012, 03:30 PM
لاهنت ميدو يابعدي :")

Dr.MeDo
22-06-2012, 04:03 PM
لاهنت ميدو يابعدي :")

ولآ آنـت يآ بعدي ,,

وبالتوفيق يآ رب ض43 ض32 ,,

وابد آحنآ حآضرين وبالخدمةة :aq5:

DR.B
22-06-2012, 04:24 PM
الـــــــــــــــــمــشــكــــــــــــــــــلــة لازالــــــــــــــــــــــــت
وبــــــعـــديـــن مـــعـــهـــم !!
هــذا وحـــنا مـا دخــــلـــــنــا الــــجـــــامــــعــــة

Dr.is3d
22-06-2012, 05:02 PM
ولآ آنـت يآ بعدي ,,

وبالتوفيق يآ رب ض43 ض32 ,,

وابد آحنآ حآضرين وبالخدمةة :aq5:



الله يسلمك يالغالي ض32
+ أنا منب خاش موقع التقديم طففففشتتت :/
اذا زان علمونا هنا بس ض32 ض32

DR.B
22-06-2012, 05:25 PM
يا الله من صليت الجمعة وانا ماسك ذا الجهاز واسال العالم يقولون م معنا ارقامهم

والحل طيب ؟؟!!!

Dr.MeDo
22-06-2012, 08:54 PM
الله يسلمك يالغالي ض32
+ أنا منب خاش موقع التقديم طففففشتتت :/
اذا زان علمونا هنا بس ض32 ض32

آبشر آول ما توصلنـي آخبآر انه ضبط آبعطيكم خبـر ض32 ,,

يا الله من صليت الجمعة وانا ماسك ذا الجهاز واسال العالم يقولون م معنا ارقامهم

والحل طيب ؟؟!!!

الله يعيينكـ يا الغلآ ,,

الحـل مآلكـ إلا الصبر وبيعينكـ رب العآلمـين ض32 ض32

Dr.MeDo
22-06-2012, 09:12 PM
http://k-ksu.com/vb/showpost.php?p=192404&postcount=24

^^
هذآ عضو رآسلهم وردوا عليه كذآ ,,

آنآ رآسلتهم وإلى الآن مآ جآنـي رد منهم :( ,,


======

بصصرآحةة آنآ مآ آدري هـل تحطون رغباتكم وإلا تصبرون ,, الله اعلم ,,

بسس لو انا طآلب مكانكم مآ رآح آرتب رغبآتي الحيـن ,,


لكـن لا تتأخرون فـي إدخالها ,, لآن الصحيه تقفل بدري ,, آظن بتاريخ 6 من شهر 8 ,, انتبهوآ ,,


تحيآتـي ض32

DR.B
22-06-2012, 09:14 PM
آبشر آول ما توصلنـي آخبآر انه ضبط آبعطيكم خبـر ض32 ,,



الله يعيينكـ يا الغلآ ,,

الحـل مآلكـ إلا الصبر وبيعينكـ رب العآلمـين ض32 ض32

اخوي بالله تاكد من هذا الموضوع شوف ايش يقول صاحبة !!!!!!!!!!!!!!!
في الر دود اوكي
http://c-salman.net/vb/showthread.php?t=17591&page=3
واذا صار اكيد ياليت تفتحون موضوع مثبت وتعلمون الناس لاني مرح اقدم الا لما اشوف الرد اوكي

a7laibrahim
22-06-2012, 09:19 PM
شباب الحين اقدر اسجل في الجامعه طبعا انا ابي هندسه فتح والا توه ؟

خفوق الروح ~
22-06-2012, 09:53 PM
شباب الحين اقدر اسجل في الجامعه طبعا انا ابي هندسه فتح والا توه ؟

مافي هندسة علطول ‘ تدخل سنة تحضيرية ثم بعدهآ
ع حسب معدلك تدخل [ هندسة - حىسب - فيزياء - رياضيات ]
إذا تبي الهندسة مباشرة عندك الهندسة بدون سنة تحضيرية عامة
بـ وادي الدواسر اتوقع ,

:aq5:

المعتصم بالله
22-06-2012, 09:55 PM
ترا الرغبات مفتوحه الي يوم الثلاثاء
٦ لشهر ٨
احفظوها الان واذا طرأ شي عدلو عليها
او انتظرو الين نشوف الوضع

Dr.is3d
22-06-2012, 10:13 PM
والله العالم يا ميدو والربع ذذ
إني بحذف سعود واللي معها وبحط سلمان الصحيه
و تحتها اشياء خربوطيه و أحفظ الرغبات ، وش رايكم ؟!

Dr.MeDo
22-06-2012, 10:18 PM
والله العالم يا ميدو والربع ذذ
إني بحذف سعود واللي معها وبحط سلمان الصحيه
و تحتها اشياء خربوطيه و أحفظ الرغبات ، وش رايكم ؟!

لاااااا ,,

انتبه ,,


لا تسوي كذآ آبد ,,

لآنك يمكن ما تنقبل في الخرج ,, ثم ينطلونك في السليل والا في الافلاج والا وادي الدواسر ,, بعيد جداً عن الريآض ,,

انتبه تسوي هالحركه ,,


حط رغبآتك على اللي انت تبي ,,



ض32 ض32

المعتصم بالله
22-06-2012, 10:51 PM
ايه نفس ما قال ميدو
انا اقولك وش رايكم تحطون سعود صحي اول شي
بعدها سلمان الرغبه الثانيه
سعود تقبل بنسب مركبه عاليه اعلي من سلمان
بالتوفيق

Dr.is3d
22-06-2012, 10:54 PM
أنا من الأفلاج يابعدي :p
أنا ماودي أسويها .. بس على كذا مب مصلحينها هم !
على ردهم للي راسلهم يوضح كذا !

Dr.is3d
22-06-2012, 11:35 PM
المعتصم .. أنا ودي بسلمان جدا !
مابي أخلي سعود الأولى و أكل تبن : /

DR.B
23-06-2012, 12:01 AM
ايه نفس ما قال ميدو
انا اقولك وش رايكم تحطون سعود صحي اول شي
بعدها سلمان الرغبه الثانيه
سعود تقبل بنسب مركبه عاليه اعلي من سلمان
بالتوفيق

اخوي المعتصم بالله
م نقدر نحط السنة التحظيرية الصحية الملك سعود مع البرنامج الموحد للكليات الصحية بالخرج
لان ماهو موجود ضمن الرغبات الصحية
موجود مع الكليات الثانية

Dr.is3d
23-06-2012, 04:45 AM
راسلت التقديم الموحد مره ثانيه وثالثه اتمنى يردون بشكل واضح
وراسلت ايميل القبول والتسجيل بجامعة سلمان .. ياليت رقم لهم احسن : /

DR.B
23-06-2012, 05:27 AM
انا دورت ارقام م لقيت اخوي طيب كلم الاستعلامات ممكن تحصله عندهم

Dr.is3d
23-06-2012, 05:31 AM
ان شاء الله ، أنا بنام إذا قمت على خير بدق :")

DR.B
23-06-2012, 05:38 AM
اوكيشن

امس ضاق صدجري والله وقلت بلا صحية بلا هم

بس يلا الله يعين

DR.BEZL
23-06-2012, 10:36 AM
اوكيشن

امس ضاق صدجري والله وقلت بلا صحية بلا هم

بس يلا الله يعين



آخوي اذا من اولها بتتحطم فـ اسمحلي اقولك انك جيت المكان الغلط ..
التخصصات الصحية يبي لها نفس طويل .. و يبي لها صبر .. يعني لا تنسحب من اول مشكلة ..
كلنا تعبنا عشان نوصل لتخصصاتنا .. انا على سبيل المثال درست السنة التحضيرية مرتين ..
و الحمد لله هلاسنة جبت معدل عالي و دخلت التخصص اللي ابغاه .. يعني شد حيلك ترى الفرصه
اذا جتك ممكن ما ترجع .. و تذكر ان فيه كثييييييير يتمنون المقعد اللي انت ممكن تتوفق فيه و تآخذه
فـ توكل على الله و شد حيلك و ان شاء الله نشوفك معنا ..

DR.BEZL
23-06-2012, 10:42 AM
المعتصم .. أنا ودي بسلمان جدا !
مابي أخلي سعود الأولى و أكل تبن : /


اخوي ودي ارد بالنيابة عن المعتصم اذا يسمح لي ..
انا احييك لرغبتك بسلمان لكن لا تتوقع ان الدراسة عندنا
سهله .. صحيح الدوامات عندنا خفيفه و مريحه مو مثل سعود
لكن الدراسة صعبه .. خصوصا الاحياء و الفيزياء اصعب من اللي
في الملك سعود .. يعني اللي ابغى اوصله لك انك ما تجي سلمان
و تحط في بالك انها بسيطه و بتجيب معدل بالراحة .. لا ي الغالي
المسألة يبغالها تعب .. و على قد ما تتعب بتحصل .. احنا نفرق
عن سعود ان ساعات الانقلش اقل .. و ما عندنا رياضيات .. فقط
و هذا اللي مريح جدولنا شوي ..
و الميزه ان جامعتنا تقبل اعداد قليلة .. يعني فرصته اكبر ..
يعني اذا درست مع 300 مو مثل 1500 ..
اتمنى تكون الفكرة واضحه .. انت صل استخاره و ربي بيدلك ع الخير
و اهم شيء لا تستعجل في اتخاذ قراراتك .. يعني لا تقول هنا الدوام
اقصر يعني خلاص هذا افضل .. ولا تفكر ان هناك صعوبات مثل اعداد الطلاب
و تقول ما اقدر .. يعني فكر في الشي من كل النواحي .. و الله يوفقك :و1:

Dr.is3d
23-06-2012, 01:10 PM
متفهم يابعدي ، وشاكر لك الاضافه الجميله هذي
صحيح أنا سمعت إن سلمان أسهل من سعود
ماهتميت لهالشيء ، اللي همني أكثر العدد :")

Dr.is3d
23-06-2012, 01:12 PM
هذا ردهم علي :

مرحلة الكليات الصحية هي التي تتطلب مقابلة شخصية فقط والبرنامج الموحد للكليات الصحية بجامعة سلمان بن عبدالعزيز
ليس لديهم مقابلة شخصية وبالتالي يمكن وضعه حسب الترتيب المناسب لرغباتك في اي مرحلة تختارها

وش رايكم !! ، خلاص أقدم على سلمان كأول رغبه وأحط تحتها أي شي !؟
والله محتار : / ، لا قدر الله لو ماقبلت بسلمان أنا أبي أدرس صحيه !!
*

Dr.is3d
23-06-2012, 02:25 PM
+ فيما لو بسوي طريقتي اللي قلت
هل أختار خيار الكليات الصحيه وباقي الكليات أو باقي الكليات الخيرا الثاني !
لأنو لو اخترت الأول وحطيت سلمان رغبة اولى يمكن مايحسبون التقديم لي لانها ماتتطلب مقابله !
يارب فهمتوني زين : /

Dr.is3d
23-06-2012, 03:54 PM
رايكم لا هنتو ><

Dr.MeDo
23-06-2012, 03:57 PM
رايكم لا هنتو ><

والله أنا من رأيي ,, أنك ترتب رغبآتك الآن , وتحفظهـآ ,, وتحاول بكره وبعدهـ يمكن يضبط موقعهم وتعدل رغباتك على الوضع الطبيعي ,,

لكـن الآن احفظ رغبآتك بشكل أولـي ,, ( على بقية الكليات ) ثم تحط الرغبة الآولى جامعة سلمان ,,


* هذآ رأيي الخاص ,, وأنت حر ,, سو اللي تبـي ,, ( يعنـي كـل شيء على مسؤوليتك انت ) بسس اعطيتكـ رأيي اللي اشوف انه آحسن شيء لوضعك ووضع الشباب اللي مثلكـ ض32 ض32 ,,


تحيآتـي ض32

Dr.is3d
23-06-2012, 04:13 PM
^
لاهنت يالغالي ، كانت في بالي وسويتها
عسى ربك يعين ويكتب اللي فيه الخير .. ان شائ الله يعدلونها
ياخي حتى لو ماتتطلب مقابله شخصيه ، ليه تحكرني و أنا أبي الصحي !!

http://www.m5zn.com/uploads3/2012/6/23/photo/062312050633b9qyupe80vev1ve.png

DR.B
23-06-2012, 04:17 PM
آخوي اذا من اولها بتتحطم فـ اسمحلي اقولك انك جيت المكان الغلط ..
التخصصات الصحية يبي لها نفس طويل .. و يبي لها صبر .. يعني لا تنسحب من اول مشكلة ..
كلنا تعبنا عشان نوصل لتخصصاتنا .. انا على سبيل المثال درست السنة التحضيرية مرتين ..
و الحمد لله هلاسنة جبت معدل عالي و دخلت التخصص اللي ابغاه .. يعني شد حيلك ترى الفرصه
اذا جتك ممكن ما ترجع .. و تذكر ان فيه كثييييييير يتمنون المقعد اللي انت ممكن تتوفق فيه و تآخذه
فـ توكل على الله و شد حيلك و ان شاء الله نشوفك معنا ..

اخوي انا عم بمزح
هذي رغبتي من 3 سنوات
ومستحيل اتخلى عنها بهذي السهولة

DR.B
23-06-2012, 04:19 PM
هذا ردهم علي :

مرحلة الكليات الصحية هي التي تتطلب مقابلة شخصية فقط والبرنامج الموحد للكليات الصحية بجامعة سلمان بن عبدالعزيز
ليس لديهم مقابلة شخصية وبالتالي يمكن وضعه حسب الترتيب المناسب لرغباتك في اي مرحلة تختارها

وش رايكم !! ، خلاص أقدم على سلمان كأول رغبه وأحط تحتها أي شي !؟
والله محتار : / ، لا قدر الله لو ماقبلت بسلمان أنا أبي أدرس صحيه !!
*

حتى انا مثلك الحين باحط الرد

DR.B
23-06-2012, 04:20 PM
السلام عليكم
انا ارسلة للقبول الموحد للجامعات

شوفو الرسالة الي ارسلتها:

__________________________________________________ ________________________________
السلام عليكم ورحمة الله وبركاته هنالك العديد من الاسئلة بخصوص البقرنامج الموحد للكليات الصحية بالخرج
ولعل اهمها :
لمذا لم تكن مع التخصصات الصحية الاخرى ؟؟
هل هنالك خطا منكم بخصوص ذالك ؟؟
متى موعد القبول للبرنامج الموحد للكليات الصحية الصحية ؟؟
هل هنالك مقابلة ؟؟
هل البرنامج الموحد للتخصصات الصحية هو ضمن الكليات العامة وليست الصحية ؟في القبول الموحد ؟؟

اتمنى منتكم مشاهدة هذا الموضوع / http://c-salman.net/vb/showthread.php?t=17610

وشاكر لكم تعاونكم معنا
__________________________________________________ ________________________________

وشوفو ردهم لي /

__________________________________________________ ________________________________
مرحلة الكليات الصحية هي التي تتطلب مقابلة شخصية فقط والبرنامج الموحد للكليات الصحية بجامعة
سلمان بن عبد العزيز ليس لديهم مقابلة شخصية بالتالي يمكن وضعة حسب الترتيب المناسب لرغباتك
في اي مرحلة تختارها
__________________________________________________ ____________________________


هذا ردهم لي الصراحة م ادري كيف قصدهم بس الي فهمته
انه عادي تحطة مع الكليات الصحية بس مرح تكون رغبة اولا
وعادي تحطة مع الكليات الغير صحية ورح تكون رغبة اولى + مافية مقابلة عندهم

هذا الي فهمته منهم اتمنى التوضبح

DR.B
23-06-2012, 04:41 PM
^
لاهنت يالغالي ، كانت في بالي وسويتها
عسى ربك يعين ويكتب اللي فيه الخير .. ان شائ الله يعدلونها
ياخي حتى لو ماتتطلب مقابله شخصيه ، ليه تحكرني و أنا أبي الصحي !!

http://www.m5zn.com/uploads3/2012/6/23/photo/062312050633b9qyupe80vev1ve.png

والله حتى انا سويتها

شوف بس الرغبات كيف ض1

http://im25.gulfup.com/2012-06-23/1340458782901.gif

وش رايكم بس :bz1:

DR.BEZL
23-06-2012, 05:03 PM
كلآم كبييييير و الله .. الله يوفقكم و نشوفكم معنا ..
و اذا احتجتوا مساعدة ترى احنا في الخدمة ض32

DR.B
23-06-2012, 05:15 PM
كلآم كبييييير و الله .. الله يوفقكم و نشوفكم معنا ..
و اذا احتجتوا مساعدة ترى احنا في الخدمة ض32

مع الأسف الغيت الأختيار لاني م ادري اقدر اعدلها لو حطيت اخهتيار الرغبات او لا ؟؟ واذا اية كيف ؟؟

Dr.is3d
23-06-2012, 05:52 PM
^
عادي أخوي تقدر تعدل بس أهم شيء قبل الثلاثاء الساعه 12 الظهر :")
+ عيال لا هنتوا ، فيما لا قدر الله ماقبلت في سلمان كرغبة أولى !
أقدر أقدم الفصل الثاني !؟

DR.B
23-06-2012, 06:04 PM
^^

م اعتقد لانها مثل السنة التحظيرية لازم تخلص المواد في سنة وحد ولا ترسب فيها واذا رسبت لا قدر الله تدرسها في الصيف

DR.B
24-06-2012, 02:08 AM
تم التحرير

المعتصم بالله
24-06-2012, 03:00 AM
والله حتى انا سويتها

شوف بس الرغبات كيف ض1

http://im25.gulfup.com/2012-06-23/1340458782901.gif

وش رايكم بس :bz1:



ياخووان ياخوان
انتم رغبتكم صحي بس سالفه انك احط بس سلمان هذي ما تصلح
افرض ما قبلتك سلمان وش بتسوي مالك الا التخصصات اللي بعدها
يعني لا حصلت ع هذي ولا هذي بعدين جامعه المجمعه ترا القبول مباشر مباشر بدون تحضيريه للتنافس ولا شي
راي تحطون سلمان الاولي اتكلم عن اللي يبي صحي اذا هي رغبتكم بعدها حطو تخصصات صحيه اللي تبون بعدها التخصصات الثانيه
ياليت تكون فكرتي وصلت اذا حطيتو اكثر من تخصص صحي لاثر من جامعه تكون فرصتك للقبول اكبر
عاد كل واحد وظروفه واللي يبي
بالتوفيق

Dr.is3d
24-06-2012, 12:40 PM
^
الخطأ من إدارة التقديم الموحد ، حتى لو ماكانت تطلب المقابلة الشخصيه
المفروض أقدر أرتبها مع الكليات الصحيه الثانيه مثل سعود !
أنا سلمان أبيها كرغبه أولى ، المجمعه أو شقراء مافكرت فيها أبدا و حتى لو حصلت ما أبيها
مركبتي ان شاء الله ضامن بها القبول ، 81.81

Dr.is3d
24-06-2012, 01:17 PM
راسلتهم عن انو لو حطيتها ضمن باقي الكليات وردوا علي هيك :

يمكنك وضع جامعة سلمان في الرغبة الاولى اذا اخترت مرحلة باقي الكليات
اما مرحلة صحي وباقي الكليات فيتطلب وضع رغبة صحية في جامعة الملك سعود او المجمعة لانها تتطلب مقابلة شخصية
*
مع تحيات
بوابة القبول الالكتروني الموحد للطلاب
في جامعات الملك سعود وسلمان بن عبدالعزيز وشقراء والمجمعة
*
+ ارسلت تو رسالة واحد منقهر من الحركة البايخه حقتهم !
اخر شيء قلت اتمنى يكلمني إداري منكم : /

DR.B
25-06-2012, 01:08 AM
راسلتهم عن انو لو حطيتها ضمن باقي الكليات وردوا علي هيك :

يمكنك وضع جامعة سلمان في الرغبة الاولى اذا اخترت مرحلة باقي الكليات
اما مرحلة صحي وباقي الكليات فيتطلب وضع رغبة صحية في جامعة الملك سعود او المجمعة لانها تتطلب مقابلة شخصية
*
مع تحيات
بوابة القبول الالكتروني الموحد للطلاب
في جامعات الملك سعود وسلمان بن عبدالعزيز وشقراء والمجمعة
*
+ ارسلت تو رسالة واحد منقهر من الحركة البايخه حقتهم !
اخر شيء قلت اتمنى يكلمني إداري منكم : /

مثلك تماما ارسلو لي هيك

وحتى انا ان شاء الله ضامن القبول فيها مركبتي 80 واذا لا قدر الله فية كلام ثاني ض1

Dr.Muhammd
25-06-2012, 01:58 AM
بالتوفيق للجميع

saud404
25-06-2012, 02:46 AM
أخواني /

انا قابلت نفس مشكلتكم بتحديد جامعة سلمان كرغبة اولى
لكن اللحين عرفنا الحل ان سلمان مافيها مقابلة لذلك لايمكن ترتيبها مع رغبات الكليات الصحية ..

لكن سؤالي اللحين انا نسبتي المركبة طايحة بسبب التحصيلي

نسبتي المركبة / 71.18
وش رايكم احط باقي الكليات وارتب كـ التالي /
1 / جامعة سلمان بن عبدالعزيز برنامج الموحد للكليات الصحية بالخرج
2/ جامعة شقراء بكالوريس كلية العلوم الطبية التطبيقية بالقويعية
3/جامعة شقرااء بكالوريس العلوم التطبيقية بالشقراء
4/جامعة شقراء بكالوريس كلية العلوم الطبية التطبيقية بالقويعية
5/ جامعة شقراء بكالوريس كلية العلوم الطبية التطبيقية بالدوادمي

وبعدين احطط تخصصات ثااانية غير صحية


او
اخليها على خيار الكليات الصحية وباقي الكليات >> هنا بتكون رغباتي الصحية 10 ( لانها بتكون قبل الخمس اللي فوق جامعة الملك سعو وكلية العلوم الطبية التطبيقية بالمجمعة و كلية الطب بالمجمعة و كلية الطب بالزلفي وجامعة المجمعة ) ثم اكممل باقي التخصصات الغير صحية الاخرى


لاتبخلون برايكم خصوصا ان نسبتي المركبة طايحة جداااا


انتظرررررررررررررركم بفارغ الصبر


وماتقصرون جميعا

Dr.is3d
25-06-2012, 02:58 AM
بما إن نسبتك طايحه ، أشوف إن خيار الكليات الصحيه وباقي الكليات أحسن لك
لأن اذا ماقبلت فالاولى عنك فرصه فالثانيه او الثالثه او الرابعه وهكذا :")

saud404
25-06-2012, 03:17 AM
اقدر رايك اخوي وهذا اللي اميل له

اكن ننتظر اخوانا الباقين ونشوف ارائهم ....

DR.B
25-06-2012, 03:27 AM
^^
اخوي اولا استخر
وانا افضل انك تحط نفس ما قال اخوي
لانه الي تقبل جامعة الملك سعود صعبة نسبتك لانه وقفت العام على 78 تقريبا

واذا انت عادي تروح للمجمعة وشقرا

DR.B
25-06-2012, 03:30 AM
اخوااني فيه واحد مثلي كل دقيقة يدخل على البرنامج الموحد للقبول يشيك على الرغبات لو فيه خطا او لا

ههههههه
شكاك

Dr.is3d
25-06-2012, 04:47 AM
اللحين مجموع الدرجات في المواد العلميه يعتد به أم لا !؟

DR.B
25-06-2012, 05:28 AM
اللحين مجموع الدرجات في المواد العلميه يعتد به أم لا !؟

اعتقد اية لازم تكون ممتاز (( فوق 90))

Dr.is3d
26-06-2012, 02:23 AM
لما راسلت التقديم الموحد بإنو ظلم للطالب عدم قدرته على ترتيب رغبة سلمان الصحيه
مع باقي الكليات الصحيه وياليت يتعدل لأنه راح يضر طلاب كثير خصوصا اللي من الخرج
أو إخذوا رسالتي أحسن بلا فلسفه ض١

السلام عليكم
لو جعلتم جامعة سلمان في الموحد للصحيه نستطيع ترتيبها مع
جامعة سعود الصحيه والمجمعه وغيرها لكان أفضل
حتى لو لم تتطلب مقابلة شخصية ! ، أنا كطالب من أهل الخرج
أريد الجامعه القريبه مني وهي سلمان كرغبة أولى
إن حصل وقدر الله ولم تقبلني الجامعه أريد الرغبة الثانيه الصحيه في سعود !
أتمنى ثم أتمنى و جميع الطلاب الذين أعرفهم أيضا
أن يتم لنا السماح بترتيب جامعة سلمان للموحد الصحيه مع باقي الجامعات التي تتطلب مقابله شخصيه
هذا مستقبلنا ، لا نريد أن نضيعه لسبب تافه فعلا ، ليس عذرًا أنهم لا يتطلبون مقابلة شخصية
أن تجعل من يريد سلمان الصحيه كرغبة أولى بين نار أن يقبل في سلمان كرغبته الاولى
أو نار أن لا تقبله و تضيع عليه فرص الصحيه لهذا العام !!
أتمنى أن يصل كلامي لصناع القرار لديكم ، شاكرًا تفهمكم و محبتكم لمصلحتنا*
ولو تم الاتصال علي من قبل الادارة لكان أفضل .. شكرا مجددا*

ردوا علي بهالرد :

لا يمكن تعديل الوضع حيث وصلنا التعديل من جامعة سلمان بن عبدالعزيز في وقت متاخر جدا بالغاء المقابلة

+ الله بس يهدي جامعة سلمان ، لو مخلينها بالمقابله وريحونا أو قالو لهم نقدر نرتبها مع الباقي
لكن قدر الله وماشاء فعل .. و إن شاء الله كل من قدم في سلمان راح يقبل

DR.B
26-06-2012, 02:33 AM
^^
والله يخوي وش نسوي عاد الله يكون في عونهم
والله افضل انهم يخلونهال وحدة واذا قبلوهم ترسل لهم رساله بانه هناك مقابلة
بلا برنامج صحي بلا هم والله احسن كذا

يحط الي يبي ثم الي يقع في الجامعات الي تبي مقابلة يرسلون له !!

فنان ألماسي
27-06-2012, 03:33 PM
عندي استفسار بخصوص السكراب هل هو مطلوب كـ لبس في الكلية او عادي نكتفي بالثوب
وشكراً

Dr.MeDo
27-06-2012, 04:02 PM
عندي استفسار بخصوص السكراب هل هو مطلوب كـ لبس في الكلية او عادي نكتفي بالثوب
وشكراً

فـي السنة التحضيرية ,, تلبس الثوب ,,


لكـن السكـرآب بعد أن تتخصص ,, يعنـي بعد السنه التحضيرية ,, تلبس السكراب المخصص لكـليتكـ وتخصصكـ ,,


ض32

فنان ألماسي
27-06-2012, 04:19 PM
^
يعطيك العافية يالغالي
بس هل السكراب إلزامي بعد السنة التحضيرية ولا على كيفي

Dr.MeDo
27-06-2012, 05:29 PM
^
يعطيك العافية يالغالي
بس هل السكراب إلزامي بعد السنة التحضيرية ولا على كيفي

إلزامـي فـي الطب البشري + طب الآسنآن ,, هذآ آكيد ,,

الصيدلة والعلوم الطبية مطلوب ومهمـ ,, لكـن هل هو اجباري أو لا والله مدري ,, بسس كثير من الطلاب يلبسونه فـي الصيدلة و العلوم الطبية التطبيقية



ض32

DR.B
28-06-2012, 02:32 AM
^
يعطيك العافية يالغالي
بس هل السكراب إلزامي بعد السنة التحضيرية ولا على كيفي

ليش اخوي انا اعتقد انه لباس جميل وجذاب صراحة
ودي البسة انا من اول يوم ههه ض1

Dr.Muhammd
28-06-2012, 09:57 AM
نعم

إلزامـي في الكليات الطبيه

و اللاب كوت بعد مهم في اللاب

وما تختبر العملي الا وانت لابسه بس بعض الدكاتره ما يدقق على اللاب كوت في بعض المواد

لكن في السنه التحضيريه تقدر تكتفي بالثوبب او اي شئ تبيه انت حر

DR.B
28-06-2012, 11:34 AM
^
وش اللاب كوت ؟!!

serpentinae
28-06-2012, 12:45 PM
اللاب كوت = البالطو الأبيض

Dr-fantastic
28-06-2012, 04:28 PM
متى نتآيج آلقبول :qi2: ؟

Dr.is3d
28-06-2012, 04:53 PM
8-17 .. السبت مب ذا الثاني

Dr.MeDo
28-06-2012, 04:54 PM
تآريخ 17 - 8 - 1433 هـ ,,


بـ التوفيق يآ شبآب ض32 ض32

Dr.is3d
28-06-2012, 05:00 PM
للجميع يارب ميدو ض32 ض32

Dr.is3d
28-06-2012, 05:02 PM
وبالنسبه للسكن ومالسكن ، اللي بيفيدنا أو يبي يستفيد بعد يجي هنا :")
http://k-ksu.com/vb/showthread.php?t=17674

Dr.ClassiC
29-06-2012, 05:24 PM
السلام عليكم

كيف الحال يا اخواني/ اخواتي


ابيكم تساعدوني القصة هي كالتالي

انا قدمة على سلمان (التسجيل الموحد ) وبالتحديد على الكليات الصحية ف كملت التسجيل وووصلت الى اختيار الجامعة فاخترت جامعة الامير سلمان واخيرا وصلت الى اختيار الرغبات ابي الكلية الصحية بالخرج هي الرغبة الاولى وبحذف سعود فحفظة قالي يجب عليك اختيار كلية صحية واحدة على الاقل طيب والكلية الصحة بالخرج؟؟؟؟ !!! المهم اخترت سعود بس ابي اخلي سعود هي الرغبة الثانية والكلية الصحية بالخرج هي الرغبة الاولى ف رفض لازم الكليات الصحية هي الرغبة الاولى طيب كلية الصحة بالخرج؟؟؟؟ !!!! فاخترت كلية الصحة بجامعة سعود هي الاولى و كلية الصحة بجامعة الخرج هي الثانية فاقبلوني سعود وانا ابي الخرج عند اهلي وقريبة ما امسك الخطوط يوميا فوق 130 كم ابي مساعدة تكففففففففوووووووووون

Dr.ClassiC
29-06-2012, 05:25 PM
وهل في رسوب في المقابلة الشخصية ..؟

Dr.MeDo
29-06-2012, 06:56 PM
السلام عليكم

كيف الحال يا اخواني/ اخواتي


ابيكم تساعدوني القصة هي كالتالي

انا قدمة على سلمان (التسجيل الموحد ) وبالتحديد على الكليات الصحية ف كملت التسجيل وووصلت الى اختيار الجامعة فاخترت جامعة الامير سلمان واخيرا وصلت الى اختيار الرغبات ابي الكلية الصحية بالخرج هي الرغبة الاولى وبحذف سعود فحفظة قالي يجب عليك اختيار كلية صحية واحدة على الاقل طيب والكلية الصحة بالخرج؟؟؟؟ !!! المهم اخترت سعود بس ابي اخلي سعود هي الرغبة الثانية والكلية الصحية بالخرج هي الرغبة الاولى ف رفض لازم الكليات الصحية هي الرغبة الاولى طيب كلية الصحة بالخرج؟؟؟؟ !!!! فاخترت كلية الصحة بجامعة سعود هي الاولى و كلية الصحة بجامعة الخرج هي الثانية فاقبلوني سعود وانا ابي الخرج عند اهلي وقريبة ما امسك الخطوط يوميا فوق 130 كم ابي مساعدة تكففففففففوووووووووون


رديت عليكـ فـي موضوعكـ ض32 ,,

http://k-ksu.com/vb/showpost.php?p=193689&postcount=2

و بالتوفيق إن شآء الله ض32

Dr.MeDo
29-06-2012, 07:00 PM
وهل في رسوب في المقابلة الشخصية ..؟

السنه هذي مآ فيه مقآبلة شخصية لـ جامعة سلمان بن عبدالعزيز ,,


لكـن إذآ تقصد جآمعة الملك سعود ,,

فـ 95% من الطلاب اللي بيسوون لهمـ المقآبلة الشخصية بيكونون بيتعدونها بـ سلام ,,

يعنـي لا تخآف من الناآحية ذي ,,

لكـن رح لهم وانت مرتب في شكلك و كلامك و و و و و


لآن يقولون فيه واحد قبل كم سنه لما سوو له المقابلة كآن جآي والغترهـ مدري كيف والشكل رآيح فيهآ ,, ورفضوه بهالسبب ,,


ض32

Dr.ClassiC
29-06-2012, 07:35 PM
يعطيك العافية اخوي

Dr.is3d
30-06-2012, 08:55 AM
ماهنا استفسار ض1 .. نسلم عليكم وكذا
مسافر اسبوع وشوي. واسفين ع القصور ض32

المعتصم بالله
30-06-2012, 12:16 PM
كلاسيك اعتقد ومو متاكد اسحب علي مقابله سعود كذا ما تعدي المقابله ويرفضونك سعود وتنتقل للرغبه اللي بعدها وهي الخرج
اعتقد مجرد حل تاكد منه
هذا اذا تبي الخرج اعتقد يمكن يكون هذا حل
بالتوفيق

SPORTY
30-06-2012, 09:02 PM
السلام عليكم ,,

شباب انا نسبتي المركبه 77 وقدمت على صحية الخرج
تتوقعون يقبلوني ان شاء الله ؟؟

سؤال ثاني , هل صحيح ان البرنامج الصحي الموحد مدته ترم واحد فقط ؟؟
و شاكر لكم من القلب ض33

المعتصم بالله
30-06-2012, 09:29 PM
ان شاء الله يقبلونك
القبول تفاضلي بين الطلاب
لا غير صحيح البرنامج الموحد مدته سنه كامله

Dr.MeDo
30-06-2012, 11:08 PM
ماهنا استفسار ض1 .. نسلم عليكم وكذا
مسافر اسبوع وشوي. واسفين ع القصور ض32

تروح و ترجع بالسلامة يآرب ض32 ض32 ,,
مآ حصصل قصصور وآنآ آخووكـ ض32 ,,


كلاسيك اعتقد ومو متاكد اسحب علي مقابله سعود كذا ما تعدي المقابله ويرفضونك سعود وتنتقل للرغبه اللي بعدها وهي الخرج
اعتقد مجرد حل تاكد منه
هذا اذا تبي الخرج اعتقد يمكن يكون هذا حل
بالتوفيق


:aq5: :aq5: صدقت ض32


نفس آعتقآدي ,, ولكـن مثل ما قلت منـيب متأكد من هالشيء ,,

يعنـي يُفضل تروح وتسألهم وتتأكد ,,


ض32 ض32

بالتوفيق ض32

ابوالعز
01-07-2012, 12:28 AM
الا كـم مقعد للطب عندكم في الجامعه ؟

المعتصم بالله
01-07-2012, 12:34 AM
التخصيص اللي قبل هذي السنه كان ٣٠ اما السنه هذي مدري

Dr.MeDo
01-07-2012, 12:57 AM
الا كـم مقعد للطب عندكم في الجامعه ؟

السسنة هذي تقريباً 50 طآلب ,,


ض32

ابوالعز
01-07-2012, 01:06 AM
طيب عندي كم سؤال سألتك اياها وماقصرت والله بس فيه بعضها أبي الدكتور محمد يجاوبني <- انت قلت لي هو يجاوب لك أحسن

س1- بالنسبة للسنه التحضيرية سمعت ان وقف قبول طلاب الطب السنه اللي راحت على معدل 4.77 هل هذا صحيح

س2- مستوى صعوبة السنه التحضيرية يبي له واحد كل يوم يذاكر ولا واحد يشد حيله أوقات الاختبارات ولا كيف الوضع

س3- أنا شخص ما أبي الا طب وكنت مقدم على كلية الحرس والامام وكانت باذن الله راح تقبلني بس استخرت ربّي وعفت الجامعتين وجيت تلقائي لجامعة سلمان وقدمت عليها وبإذن الله راح تقبلني السنه التحضيرية <- مركبتي عندكم 93 وأظن شوي

س4- تعامل الدكاتره في الجامعه أنا ماقابلت الا دكتور باكستاني حق تشريح بالملتقى وكان حليل أقصد تعاملهم معنا وكل شي

س5- بالنسبة لدراسة الطب تحتاج لغة أكيد هل تكفي المواد اللي تدرسها بالسنه التحضيرية أو تاخذ كورسات خارجية زياده أو لغتك راح تطور يعني مايحتاج <- أنا لغتي متوسطه الا جيده تقريبا

س6- دراسة الطب عندكم كيف النظام هل هو نظام البلوكات ( تاخذ جهاز أو قسم بالجسم وتدرسونه من جميع النواحي وبعدين تختبرون فيه وكذا ) ولا كيف الوضع بالدراسه

س7- التطبيق وين راح يكون بأي مستشفى ؟ ومن متى أبدا أدرس بالمستشفيات وكذا ؟

س8- جدولنا كطلاب طب من السنه التحضيرية لآخر سنه كيفه هل هو متعب أم عادي من ناحية توزيع المواد <- اذا كنت شخص ماشي على الخطه بالتمام

س9- سؤال أخير لو لا سمح الله معدلي ماسمح لي أدخل طب وش المجالات اللي قدامي عشان أدرس الطب فيها ؟ <- أقصد اني بكمل طب بالطيب ولا بالغصب وش الطرق الأفضل

س10- كم عدد الطلاب اللي يدخلون في السنه التحضيرية ؟

<- الأخ Dr.MeDo ماقصرت والله والله يجزاك ألف خير

Dr.MeDo
01-07-2012, 01:26 AM
* جمـيع الآسئلة جآوبتك عليهآ ,,

لكـن السؤآلين اللي انا قلت لك اسأل دكتور محمد عنهـآ هـي 5 و 6 فقط ض1 ,, لآنه بيفيدكـ فيهآ آكثر مـنـي ض32 ض32

Dr.MeDo
01-07-2012, 01:42 AM
و عشآن يسسستفيدوون جميع الطلاب من الآسئلة اللي فووق و اجوبتهآ ,,

هذي آجآبآتـي لـ الآسئلة ,, ض32


س1- بالنسبة للسنه التحضيرية سمعت ان وقف قبول طلاب الطب السنه اللي راحت على معدل 4.77 هل هذا صحيح

س2- مستوى صعوبة السنه التحضيرية يبي له واحد كل يوم يذاكر ولا واحد يشد حيله أوقات الاختبارات ولا كيف الوضع

س3- أنا شخص ما أبي الا طب وكنت مقدم على كلية الحرس والامام وكانت باذن الله راح تقبلني بس استخرت ربّي وعفت الجامعتين وجيت تلقائي لجامعة سلمان وقدمت عليها وبإذن الله راح تقبلني السنه التحضيرية <- مركبتي عندكم 93 وأظن شوي

س4- تعامل الدكاتره في الجامعه أنا ماقابلت الا دكتور باكستاني حق تشريح بالملتقى وكان حليل أقصد تعاملهم معنا وكل شي

س5- بالنسبة لدراسة الطب تحتاج لغة أكيد هل تكفي المواد اللي تدرسها بالسنه التحضيرية أو تاخذ كورسات خارجية زياده أو لغتك راح تطور يعني مايحتاج <- أنا لغتي متوسطه الا جيده تقريبا

س6- دراسة الطب عندكم كيف النظام هل هو نظام البلوكات ( تاخذ جهاز أو قسم بالجسم وتدرسونه من جميع النواحي وبعدين تختبرون فيه وكذا ) ولا كيف الوضع بالدراسه

س7- التطبيق وين راح يكون بأي مستشفى ؟ ومن متى أبدا أدرس بالمستشفيات وكذا ؟

س8- جدولنا كطلاب طب من السنه التحضيرية لآخر سنه كيفه هل هو متعب أم عادي من ناحية توزيع المواد <- اذا كنت شخص ماشي على الخطه بالتمام

س9- سؤال أخير لو لا سمح الله معدلي ماسمح لي أدخل طب وش المجالات اللي قدامي عشان أدرس الطب فيها ؟





يآ هـلآآ و غلآ ومـرحبآ ,, نورت الخآص يآ بعدي ,,

لا والله يآ غلآي بالعكس اسستآنـس آنـي آجآوب على استفسآرآتكم و مسآعدتكمـ :aq5: ,, لا يردكـ شيء ,, أسأل لين يوجعك رآسك ض1 ,,


=======


س1- بالنسبة للسنه التحضيرية سمعت ان وقف قبول طلاب الطب السنه اللي راحت على معدل 4.77 هل هذا صحيح


لآ يآلغآلـي غـيـر صحيح ,, هذآ اللي وقف عليه فـي الملك سعود اعتقد ,,

لكـن عندنآ آحنآ "جامعة سلمان " تقريبا 4.5 أو أقل شوي ,,


س2- مستوى صعوبة السنه التحضيرية يبي له واحد كل يوم يذاكر ولا واحد يشد حيله أوقات الاختبارات ولا كيف الوضع


والله شف وآنآ آخووكـ ,, الترمـ الآول إذآ عندكـ لغة بيكون سهـل ,, يعنـي حآول تجيب معدل عالي ,, يمديك تجيبه ترآ مهوب شيء مستحيل ,, يعنـي شوي درآسة و تجيبه ,, لكـن هذآ مو معنآهـ آنك تسحب عليه ومآ تعطيه وجه ,, لآ .. أدرس وذآكـر وانتبه مع الدكتورر فـي الشرح ,, و حآول انك تقلل غيآبك قد ما تقدر ,,

امآ آلترم الثآنـي يبي لكـ تذآكـر اول بأول ,, يعنـي كل يوم بـ يومه او شبه يومـي ( هذآ افضل شيء إن قدرت تسويه ) ,, وآوقآت الآختبآرآت آكيد يبي لكـ تشد حيلكـ وتجيب اللي عندك كلهـ ,, لآن الترم الثاني لو تركته بتترآكم عليك الموآد وتروح فيهآ ,, خصوصآ الآحيآء والفيزيآء ,, ( خلـهآ لين يجي وقتهآ ) انت الآن خل تفكيرك فـي الترم الآول ,,

س3- أنا شخص ما أبي الا طب وكنت مقدم على كلية الحرس والامام وكانت باذن الله راح تقبلني بس استخرت ربّي وعفت الجامعتين وجيت تلقائي لجامعة سلمان وقدمت عليها وبإذن الله راح تقبلني السنه التحضيرية <- مركبتي عندكم 93 وأظن شوي


مآ شآء الله تبآرك الله ,,

والله يآلغـآلـي إذآ انت رآعـي درآسة وتـبي تدرس رح لـ الملك سعود ,, لآن الملك سعود كـ سمعه آقوى من جآمعتنآ يعنـي شهآدتك بعد التخرج آقوى من جامعة سلمان لآن جامعتنا توهـآ جديدهـ شوي ,, لكـن كـ علم جامعتنآ يقولون افضل بكثير ,,, و عندنا ميزته يمديك تشد على حيلك وتبرز نفسك على مستوى الجآمعة ,, يعنـي هنا مميزآت وهنآ مميزآت ,, وآنت اختر الآفضل لكـ ض32 ,,

ومن نآحية القبـول في جآمعتنآ إن شآء الله بيقبلوونكـ وعسسى الله يوفقك إن شآء الله ض32 ,,


س4- تعامل الدكاتره في الجامعه أنا ماقابلت الا دكتور باكستاني حق تشريح بالملتقى وكان حليل أقصد تعاملهم معنا وكل شي


والله شف انا خلصت السنة التحضيرية ,, وكـل الدكآترهـ اللي درسونـي عسسل على عسسسل ,, كـلهمـ آدعـي لهمـ آمآ البآكسسستآنـي هاللي انت لقيت هههههههههههههههه هذآ حق كلية الطب ,, هذآ اللي اسمه اسلم ,, آنآ سسمعت عنه لكـن مآ بعد شفته :bz1: ,, لكـن الدكآتره حقين السنة التحضيرية اللي درّسوني بصصرآحة كلهم حبآيب ض32 ( فيه بعض الطلاب يسبونهمـ ,, لكـن آنآ آشوف انهم متميزين لآنهم يخآفون على مصلحة الطآلب ) خلاصة الكلامـ انهم تمآمـ ض32 ض32 ,,



س5- بالنسبة لدراسة الطب تحتاج لغة أكيد هل تكفي المواد اللي تدرسها بالسنه التحضيرية أو تاخذ كورسات خارجية زياده أو لغتك راح تطور يعني مايحتاج <- أنا لغتي متوسطه الا جيده تقريبا


والله هالسؤآل بيفيدكـ فيه آكثر المشرف دكتور محمد .. لآنه هو طآلب في الطب ,, بسس آنآ تونـي خلصت السسنة التحضيرية ,, والحمد لله تخصصت اللي ابيه ض32 ,,

وبالنسبة لـ اللغة .. آحب اقوول لكـ إذآ عندك لغة حلووه ترآ الترم الآول بيكون معكـ مثل العسسل ,, آكثر التركيز فيه على اللغة ,, ولكـن زيآدة الخـير خيرين ,, دآمك الآن في اجازة ,, إذآ جاك وقت فآضي احفظ لكـ كلمات انقليزي ,, حآول كل يوم 10 كلمات فقط ,, او حسب مقدرتك عآد ,, ( هذي نصيحة منـي ,, لآنـهآ إذآ ما فآدتك ما راح تضركـ )



س6- دراسة الطب عندكم كيف النظام هل هو نظام البلوكات ( تاخذ جهاز أو قسم بالجسم وتدرسونه من جميع النواحي وبعدين تختبرون فيه وكذا ) ولا كيف الوضع بالدراسه


والله وانا اخوكـ مثل مآ قلت لكـ وجّه هالسسؤآل لـ الدكتور محمد يمكن يعرف ,,

س7- التطبيق وين راح يكون بأي مستشفى ؟ ومن متى أبدا أدرس بالمستشفيات وكذا ؟


من نآحية التطبيق تطمّن ,, بيكون فـي المستشفى الجآمعـي ,, ( فيه واحد قد خلّص الآن ) وفيه وآحد يقولون يبي له كم سنه ويكون جآهز بسعة 400 سرير , <~ يعنـي يخططون له الآن وقريب بيبدأون ينفذونه ,,


س8- جدولنا كطلاب طب من السنه التحضيرية لآخر سنه كيفه هل هو متعب أم عادي من ناحية توزيع المواد <- اذا كنت شخص ماشي على الخطه بالتمام


من نآحية السنة التحضيرية ,, الترم الآول بيكون ضغط شوي ,, يعنـي آتذكـر جدولـي آنآ كآن من 8 إلى 3 يوميآ ,, < لكـن الآحد ابدأ السآعه 10 ,, ومو شرط يكون جدولك مثلـي ,, لآن كل قروب لهم جدول ,, ( دفعتنا كآنت 12 قروب ) وكل قروب تقريبا 25 - 30 طالب ,,

آمآ آلترم الثاني كـ دوآم بيكون اخف ,.. لكـن كـ مذآكرة بيكون آدسم ويبي لكـ تشد حيلكـ ,, لكـن بشكل عام ترآ مهوب شيء مستحيل ايضاً انك تجيب معدل عآلي فووق الـ 4.9 ,,


س9- سؤال أخير لو لا سمح الله معدلي ماسمح لي أدخل طب وش المجالات اللي قدامي عشان أدرس الطب فيها ؟


إن شآء الله انه بيسمح لكـ تدخل الطب ,, لكـن لو لا قدّر الله ومآ دخـلـت ,,

فيه قدامكـ 4 تخصصآت وهـي /

1- طب بشري ( اللي هو اللي انت تسميه الطب <~ يعنـي هاللي نحتسي عنه فوق انك ما قدرت تدخله ض1 ض1 ) ,,
2- طب اسنان
3- صيدلة
4- كلية العلوم الطبية التطبيقية


============

فـي الختآمـ آحب آقول لكـ آي استفسآر عندكـ لا يردك إلا الخآص ,, وحيآك الله بـ كل وقت ,,

ومثل ما قلت لك فووق انا استآنس إذآ سآعدت اخوآنـي الطلاب ض32 :aq5: ,,



لكـ منـي آغلى التحآيآ ض32

SPORTY
01-07-2012, 05:28 AM
طيب يا شباب هل بإمكان الطالب انه يحول لجامعة سعود
بعد السنه الاولى او الثانيه له في الخرج ؟؟
و ايش هو المعدل المطلوب عشان التحويل ؟؟

وبارك الله فيكم

DR.BEZL
01-07-2012, 02:23 PM
التحويل لسعود ما نعرف عنه شيء صراحه ..
بس اذا فيه واسطه تقدر تحول .. و المعدلات ما اظن لها دخل
لانك بتحول في سنتك الثانية او الثالثه في التخصص
عموما هـالكلام جوابه في عمادة جامعة سعود .. :)

Dr.MeDo
05-07-2012, 06:37 AM
للتذكـيـر فقط ,,


يآ آخوآن ترآ اليوم آخـر يوم و بيقفّل التسجيل ..


اللـي مآ بعد ضبّط رغبآته على اللي هو يبي يزينهآ ,,



ض32


تحيآتـي ض32

Dr.Muhammd
05-07-2012, 09:46 AM
س4- تعامل الدكاتره في الجامعه أنا ماقابلت الا دكتور باكستاني حق تشريح بالملتقى وكان حليل أقصد تعاملهم معنا وكل شي


تعامل الدكاتره حلو بالسنه التحضيريه و اكثر من رائع في كليه الطب ض33



س5- بالنسبة لدراسة الطب تحتاج لغة أكيد هل تكفي المواد اللي تدرسها بالسنه التحضيرية أو تاخذ كورسات خارجية زياده أو لغتك راح تطور يعني مايحتاج <- أنا لغتي متوسطه الا جيده تقريبا


طبعا لازم تعرف ان اللغه مو ماده تدرسها وما لها حدود لكن اذا لغتك جيده زي ما تقول و شديت حيلك بالتحضيريه و طورت من نفسك

اكيد بتكون مناسبه بعد التخصص ...لا تشيل هم اللغه شد حيلك وهي تجي معك


س6- دراسة الطب عندكم كيف النظام هل هو نظام البلوكات ( تاخذ جهاز أو قسم بالجسم وتدرسونه من جميع النواحي وبعدين تختبرون فيه وكذا ) ولا كيف الوضع بالدراسه


لا جامعتنا مثل جامعه اكسفورد نظامنا تراديشنال

صحيح انه اصعب وفيه كرف اكثر من البلوكس لكن انا اشوف انه الافضل


س7- التطبيق وين راح يكون بأي مستشفى ؟ ومن متى أبدا أدرس بالمستشفيات وكذا ؟


عندنا مستشفى جامعي مؤقت مو كبير ٦٦ سرير
لكن الطلاب ما يطبقون فيه يطبقون في مستشفى الملك خالد بالخرج وفيه teaching center

و اللحين فيه مشروع المستشفى الجامعي ٤٥٠ سرير

بتبدا تطبق بالمستشفى بعد التحضيريه بسنتين

يعني مشوارك

سنه تحضيريه + سنه ثاني وثالث (basic)+سنه رابع و خامس و سادس ( clinical phase) + سنه امتياز

faisal 2000
07-07-2012, 01:39 AM
لا جامعتنا مثل جامعه اكسفورد نظامنا تراديشنال

صحيح انه اصعب وفيه كرف اكثر من البلوكس لكن انا اشوف انه الافضل




ياليت تفيدنا اكثر حول هالنظام

Dr.Muhammd
07-07-2012, 02:55 AM
الفرق

ان الـبلوكس كل ٧ اسابيع تدرس بلوك

مثلا يكون renal block تدرس اي شئ يتعلق عن الكليه تشريح و وظيفتها و امراضها و علاج الامراض و انسجتها

وبعد ٦ اسابيع من الدراسه تختبر فيها وخلاص ما عاد ترجع لها يعن كل ترم ينقسم الى ترمين اي شئ تختبر فيه ما ترجع له

اما نظامنا

بالسنه الثانيه تاخذ التشريح للجسم كامل بجميع اجزائه و تاخذ علم الانسجه للجسم كامل و فسيولوجيه الجسم كامل و التفاعلات الكيميائيه داخل الجسم

و السنه الثالثه تدرس علم الامراض و علم الادويه و علم المناعة و علم الطفيليات و علم الاحياء الطبية الدقيقة

يعني تدرس كل علم لحاله

بالنسبه لهم حلو انك تربط المعلومه بين المواد وهذا شئ ممكن عندنا

لان الترم اللي راح ندرس نفس التشابتر باكثر من ماده وساعدنا بالربط

بس انا اذا اخذت المعلومه السنه هذه كوظيفه و السنه الجايه اراجعها و اخذها في علم الامراض

تتكرر عليك المعلومه

اما هم تدرسها ٦ اسابيع ولا عاد تسمعها من جديد يعني المرض اللي اخذه بسنه ثاني يسمع بسنه رابع او خامس او سادس بالباطنه

يصير صعب يتذكرها لكن احنا ناخذها بثاني وثالث و تتكرر عليك بالباطنه يعني انا اشوف انها افضل

واذا تبي الصراحه نظامهم مو حلو مو فاشل بس هنا بالسعوديه ما عرفوا يطبقونه وطبقوه غلط وصار فاشل

يعني خليك على النظام اللي كل الاطباء درسوه احسن لك على الاقل نعرف النتيجه مو نصير فئران تجارب

اللحين لا تشيل هم خلص التحضيريه بمعدل عالي و الباقي ما منه خوف

faisal 2000
07-07-2012, 03:12 AM
الفرق

ان الـبلوكس كل ٧ اسابيع تدرس بلوك

مثلا يكون renal block تدرس اي شئ يتعلق عن الكليه تشريح و وظيفتها و امراضها و علاج الامراض و انسجتها

وبعد ٦ اسابيع من الدراسه تختبر فيها وخلاص ما عاد ترجع لها يعن كل ترم ينقسم الى ترمين اي شئ تختبر فيه ما ترجع له

اما نظامنا

بالسنه الثانيه تاخذ التشريح للجسم كامل بجميع اجزائه و تاخذ علم الانسجه للجسم كامل و فسيولوجيه الجسم كامل و التفاعلات الكيميائيه داخل الجسم

و السنه الثالثه تدرس علم الامراض و علم الادويه و علم المناعة و علم الطفيليات و علم الاحياء الطبية الدقيقة

يعني تدرس كل علم لحاله

بالنسبه لهم حلو انك تربط المعلومه بين المواد وهذا شئ ممكن عندنا

لان الترم اللي راح ندرس نفس التشابتر باكثر من ماده وساعدنا بالربط

بس انا اذا اخذت المعلومه السنه هذه كوظيفه و السنه الجايه اراجعها و اخذها في علم الامراض

تتكرر عليك المعلومه

اما هم تدرسها ٦ اسابيع ولا عاد تسمعها من جديد يعني المرض اللي اخذه بسنه ثاني يسمع بسنه رابع او خامس او سادس بالباطنه

يصير صعب يتذكرها لكن احنا ناخذها بثاني وثالث و تتكرر عليك بالباطنه يعني انا اشوف انها افضل

واذا تبي الصراحه نظامهم مو حلو مو فاشل بس هنا بالسعوديه ما عرفوا يطبقونه وطبقوه غلط وصار فاشل

يعني خليك على النظام اللي كل الاطباء درسوه احسن لك على الاقل نعرف النتيجه مو نصير فئران تجارب

اللحين لا تشيل هم خلص التحضيريه بمعدل عالي و الباقي ما منه خوف

الحمد لله خلصت التحضيرية وجايين عندكم بعد شهرين

Dr.MeDo
07-07-2012, 03:52 AM
اللحين لا تشيل هم خلص التحضيريه بمعدل عالي و الباقي ما منه خوف




هذي آهم كـلمة لـ الطلاب المستجدين ض32 ض32 ,,


لآ هنت دكتور محمد عطيتنآ معلومات ما كننا نعرفهآ من قبـل ض32 :aq5::aq5::aq5:

DR.B
07-07-2012, 10:45 AM
هذي آهم كـلمة لـ الطلاب المستجدين ض32 ض32 ,,


لآ هنت دكتور محمد عطيتنآ معلومات ما كننا نعرفهآ من قبـل ض32 :aq5::aq5::aq5:

والله حتى انت م ثصرت معنى
بس الدكتور محمد ساعدني كثير وانت برضة وكل الباقين مشكورين جميعا وفي انتظار موضوعكم عن الوثائق المطلوبة ض1

Dr.Muhammd
07-07-2012, 01:21 PM
^^^

اكيد ما نسيتكم

لكن اليوم بعد ما تطلع نتائج القبول ان شاء الله

r_albashiri
07-07-2012, 06:18 PM
السلام عليكم ...

بالعادة كم النسبة المركبة المطلوبة للقبول بالنسبة للدفعات الماضية ؟!

في البرنامج الموحد للكليات الصحية بالخرج

معلومة :~
توي متخرج

wail
07-07-2012, 07:49 PM
السلام عليكم

الحين

البرنامج الموحد للكليات الصحية بالخرج

وش يخرج بالزبط ؟

faisal 2000
07-07-2012, 08:30 PM
فيه مقابلة للطلاب المقبولين في البرنامج الموحد ؟

DR.B
07-07-2012, 09:33 PM
^^^

اكيد ما نسيتكم

لكن اليوم بعد ما تطلع نتائج القبول ان شاء الله

اخويي الدكتور محمد ننتظرك باحر من الجمر او على احر من الجمر

DR.B
07-07-2012, 09:37 PM
السلام عليكم

الحين

البرنامج الموحد للكليات الصحية بالخرج

وش يخرج بالزبط ؟

طب بشري
طب اسنان
صيدلة
علوم طبية تطبيقية (( على م اعتقد / اشعة .تمريض.تخدير.....الخ))
اتمنى افتك

Dr.MeDo
07-07-2012, 10:58 PM
السلام عليكم ...

بالعادة كم النسبة المركبة المطلوبة للقبول بالنسبة للدفعات الماضية ؟!

في البرنامج الموحد للكليات الصحية بالخرج

معلومة :~
توي متخرج

والله يآلغآلـي مآ فيه نسبة محددة .. وجآمعتنآ مآ تطلع نسب ..

لكـن النسبة المركبة تقريباً 75 <~ مو آكيد 100% .. لآن الجآمعة مآ تطلع نسب ..

آتمنى افدتكـ ض32
السلام عليكم

الحين

البرنامج الموحد للكليات الصحية بالخرج

وش يخرج بالزبط ؟

http://k-ksu.com/vb/showthread.php?t=17524

كـل الكـلآم اللي برآسك بتلقآهـ فـي الرآبط ذآ ض32 ض32 ..

وإذآ عندك استفسآرات زيادة حآضرين ..

ض32
فيه مقابلة للطلاب المقبولين في البرنامج الموحد ؟

السنه هذي مآ فيه مقآبلة في جآمعة سلمآن ض32 ..
بس السنة المآضية فـيه مقآبلة شخصية ..
ض32
طب بشري
طب اسنان
صيدلة
علوم طبية تطبيقية (( على م اعتقد / اشعة .تمريض.تخدير.....الخ))
اتمنى افتك
يعطيك الف عآفيه ض32

wail
08-07-2012, 02:57 AM
في معدل معين للقبول بالتخصص
يعني 4 طب بشري

Dr.Muhammd
08-07-2012, 03:02 AM
افضل ٥٠ طالب

رغبتهم الاولى بشري

اذا الطالب رقم ٥٠ معدله ٤.٤

يوقف الطب على معدله ٤.٤

يعني كل سنه يختلف

Dr.ClassiC
09-07-2012, 01:22 AM
شباب اللغة الانجليزية بتاعي فاشلة وما ابي اتعب نفسي انا الى الان ما استانست بالاجازة تكفووووووووووووووووووووووووووووووووووووون وش تنصحوني فيه

Dr.Muhammd
09-07-2012, 02:42 AM
اتعب عليها

عشان تدخل اللي تبيه

ترى والله اللغه تسوي فرق كبير

انا الحمد لله لغتي يوم ادخل التحضيريه ممتازه كنت ادخل اختبار الانقلش مجرد اعرف المواضيع اللي معنا

لكن اقول لك اتعب عليها لان الترم الثاني فيه كرف بالاحياء حوالي ٤٥٠ صفحه بالانقلش

Dr.ClassiC
09-07-2012, 03:20 AM
اوووووووووووووووووووووووووووووووووووووف ما اتفقنا على كذا ظلم


كيف 450 صفحة بالانجلش

Dr.Muhammd
09-07-2012, 06:30 AM
ههههههههه
وش اللي ظلم ... من اولها :bz1:

لا تخاف بالبدايه بيصير صعب بس بعد كذا بتمشي امورك

الصفحه يكون فيها سلايدين
من البوربويت

يعني هاند اوت

مو
notes علي صيغه وورد

DR.B
09-07-2012, 01:57 PM
اخوي الحين تتذكر يوم كنا في المتوسط يوم كانوا يقولون
ي ويلكم بيجيكم فيزيا واحياء و.... الرياضيات 300 صفحة كنا خايفين
بس درسناها صح صعبة لكن الواحد\ يكبر ويتسع تفكيرة

اهي كذا ندخل انجليزي وزي كذ يعني ض1
__________________________________________________ _
طيب دكتور محمد انا دخلت معهد العطله الماضية في els عندكم في الرياض اختبرت تحديد مستوى وقالي انت في 1b
لان المستويات الي عندهم كذا
1a
1b
1c
2a
2b
2c
3a
3b
3c
هذي الي عندهم يعني انا اي مستوى تقريبا كنت المستوى الثاني يعني ض1؟
والي يدرسنا امريكي وما يعرف عربي بس صراحة كنت احس اني افهم علية شوي بس لو احد يسالني يقولي ايش قال م اقدر اوصل له المعلومة زين بس احس وش يبي المدرس الي م يعرف اي كلمة عربية

وفيه مشكلة عندي الي هي الاستماع + تركيب الكلام على ان عندي مخزون كبير من الكلمات + الجرئه في التحدث بس احس انها تحسنه زين ولله الحمد +
انا اعرف اتكلم انجليزي بس اذا صرت في غرفتي بلحالي او مع الصغار اوة مع الي ميعرف انجليزي ههههههه ض1
تتوقع امشي ان شاء الله لاني ابي بشري ان شاء الله ؟؟ اتمنى تفيدني

____________________________-
ويا شباب ابي افضل تطبيق لتعلم اللغة في الآيباد
____________________________
والله يعطيكم العافية
_____________________________
اخوي الي تبي تطور لغتك دكتور كلاسيك :
انصحك تبدا مع سلسلة ابو عمر في اليوتيوب لتعلم اللغة الأنجليزية
اكتب في اليوت يوب (( ابو عمر لتعلبم اللغة الأنجليزية )) وادخل قناتة حلوة مرة + عنمدة صفحة في تويتر كل يوم يحط اسئلة ويعلمنا رح تستفيد منه
+
بر نامج اسمه فلمها في اليوت يوب اذا انت من محبين الافلام يعطيك اكسنت حلو وكلمات عامية حلوة ومفيدة وعنده صفحة في تاويتر
اتمنى تستفيد منهم
____________________

SARAH MUHAMMAD
09-07-2012, 02:26 PM
يعطيك العافيه على الموضوع
انا انقبلت بكليه العلوم الطبيه التطبيقيه وجاني القسم البرنامج الموحد للكليه
انا موفاهمه شي ابد ممكن اللي عندو فكره عن الموضوع يفهمني

DR.B
09-07-2012, 02:38 PM
يعطيك العافيه على الموضوع
انا انقبلت بكليه العلوم الطبيه التطبيقيه وجاني القسم البرنامج الموحد للكليه
انا موفاهمه شي ابد ممكن اللي عندو فكره عن الموضوع يفهمني

هذي نفس السنة التحظيرية
يعني بعد السنة هذي تختارين الي تبينه بالتفاضل طبعا
تمريض .اشعة .وكذا بس م فيها طب بشري ولا اسنان ولا صيدلة
+
الشباب رح يوضحون لك اكثر

SARAH MUHAMMAD
09-07-2012, 02:45 PM
هذي نفس السنة التحظيرية
يعني بعد السنة هذي تختارين الي تبينه بالتفاضل طبعا
تمريض .اشعة .وكذا بس م فيها طب بشري ولا اسنان ولا صيدلة
+
الشباب رح يوضحون لك اكثر






مشكووووور يعطيك العافيه ض32

DR.B
09-07-2012, 02:59 PM
العفو

Dr.Muhammd
09-07-2012, 03:00 PM
طيب دكتور محمد انا دخلت معهد العطله الماضية في els عندكم في الرياض اختبرت تحديد مستوى وقالي انت في 1b
لان المستويات الي عندهم كذا
1a
1b
1c
2a
2b
2c
3a
3b
3c
هذي الي عندهم يعني انا اي مستوى تقريبا كنت المستوى الثاني يعني ؟
والي يدرسنا امريكي وما يعرف عربي بس صراحة كنت احس اني افهم علية شوي بس لو احد يسالني يقولي ايش قال م اقدر اوصل له المعلومة زين بس احس وش يبي المدرس الي م يعرف اي كلمة عربية

وفيه مشكلة عندي الي هي الاستماع + تركيب الكلام على ان عندي مخزون كبير من الكلمات + الجرئه في التحدث بس احس انها تحسنه زين ولله الحمد +
انا اعرف اتكلم انجليزي بس اذا صرت في غرفتي بلحالي او مع الصغار اوة مع الي ميعرف انجليزي ههههههه
تتوقع امشي ان شاء الله لاني ابي بشري ان شاء الله ؟؟ اتمنى تفيدني


هههههههه ايه اعرف نظامهم

انت معك الكتاب الاصفر

انا يوم ادخل التحضيريه

كان مستواي 6-b

اكيد تمشي بالتحضيريه الامر راجع لك اذا انت جلست مع نفسك و اشتغلت على تطوير اللغه اكيد بتكتسبها

والله كان معنا واحد زلاله انقلش شوي :bz1: وما شاء الله انتهت السنه وهو متمكن من المحادثه و الكتابه و حتى القراءه

يعني انت الترم الاول اشتغل على اللغه مو بس عشان تاخذ درجه

وبالنسبه لتطبيق اللغه بالاي باد
ما عندي خبر عن برنامج كويس اغلبها برامج غبيه


اخوي الي تبي تطور لغتك دكتور كلاسيك :
انصحك تبدا مع سلسلة ابو عمر في اليوتيوب لتعلم اللغة الأنجليزية
اكتب في اليوت يوب (( ابو عمر لتعلبم اللغة الأنجليزية )) وادخل قناتة حلوة مرة + عنمدة صفحة في تويتر كل يوم يحط اسئلة ويعلمنا رح تستفيد منه
+
بر نامج اسمه فلمها في اليوت يوب اذا انت من محبين الافلام يعطيك اكسنت حلو وكلمات عامية حلوة ومفيدة وعنده صفحة في تاويتر
اتمنى تستفيد منهم


يا رجال اترك عنك هالبرامج اللي كلها هياط

ما فيها تعليم صح

اذا تبي لغه

لا تدخل برامج عربيه

شف كل شئ بالانقلش ولا تقرا بالعربي

بتكون جدا صعبه بالبدايه بعدين تضبط

شف الطفل اللي عمره سنتين كيف تعلم اللغه ..تعلمها بدون ترجمه :bz1:

انصحكم تستغلون الاجازه بالتعليم الذاتي باللغه جرب برامج اليوتيوب الانجليزيه لا تدخل على العربيه وش الفايده انك تقرأ بالعربي

انت مو جاي تطور قرائتك بالعربيه

ابعد عن العربي و بتمشي

Dr.Muhammd
09-07-2012, 03:02 PM
يعطيك العافيه على الموضوع
انا انقبلت بكليه العلوم الطبيه التطبيقيه وجاني القسم البرنامج الموحد للكليه
انا موفاهمه شي ابد ممكن اللي عندو فكره عن الموضوع يفهمني


شيكي على هالموضوع

اكيد بيفيدك

http://k-ksu.com/vb/showthread.php?t=1331

وهذا بعد

http://k-ksu.com/vb/showthread.php?t=12393

DR.B
09-07-2012, 03:07 PM
هههههههه ايه اعرف نظامهم

انت معك الكتاب الاصفر

انا يوم ادخل التحضيريه

كان مستواي 6-b

اكيد تمشي بالتحضيريه الامر راجع لك اذا انت جلست مع نفسك و اشتغلت على تطوير اللغه اكيد بتكتسبها

والله كان معنا واحد زلاله انقلش شوي :bz1: وما شاء الله انتهت السنه وهو متمكن من المحادثه و الكتابه و حتى القراءه

يعني انت الترم الاول اشتغل على اللغه مو بس عشان تاخذ درجه

وبالنسبه لتطبيق اللغه بالاي باد
ما عندي خبر عن برنامج كويس اغلبها برامج غبيه
ض1 ايه كان معي الأصفر وش زينه
اخوي لا تحطمني والله انا باشتري ايباد علشان اللغة
:(



يا رجال اترك عنك هالبرامج اللي كلها هياط

ما فيها تعليم صح

اذا تبي لغه

لا تدخل برامج عربيه

شف كل شئ بالانقلش ولا تقرا بالعربي

بتكون جدا صعبه بالبدايه بعدين تضبط

شف الطفل اللي عمره سنتين كيف تعلم اللغه ..تعلمها بدون ترجمه :bz1:

انصحكم تستغلون الاجازه بالتعليم الذاتي باللغه جرب برامج اليوتيوب الانجليزيه لا تدخل على العربيه وش الفايده انك تقرأ بالعربي

انت مو جاي تطور قرائتك بالعربيه

ابعد عن العربي و بتمشي

طيب والله احس انك صادق 100% بس اغلب الي القاهن بدائية يعني احرف ارقام ياليت اذا عندك تنصحني لو بالمقاطع اذا م عليك امر

SARAH MUHAMMAD
09-07-2012, 05:11 PM
شيكي على هالموضوع

اكيد بيفيدك

http://k-ksu.com/vb/showthread.php?t=1331

وهذا بعد

http://k-ksu.com/vb/showthread.php?t=12393



مررررره شكرا يعطيك العافيه استفتدت منها كثير :aq5:ض32

Dr.Muhammd
10-07-2012, 03:58 AM
طيب والله احس انك صادق 100% بس اغلب الي القاهن بدائية يعني احرف ارقام ياليت اذا عندك تنصحني لو بالمقاطع اذا م عليك امر





عليك بالافلام و المسلسلات فيها وناسه وتعليم لغه وتدريب للاذن



مررررره شكرا يعطيك العافيه استفتدت منها كثير


العفوو

DR.B
10-07-2012, 05:09 AM
شكرا ي دختور ض1

طالب مستجد 2
11-07-2012, 05:36 AM
السلام عليكم ورحمة الله وبركاته
كيف حالكم؟
الحمدلله ان قبلت في البرنامج الموحد للكليات الصحيه
وارسلت اوراقي للجامعه عبر البريد
بس عندي عدة اساله ملخبطتني شوي
س/هل هنالك سنه تحضيريه ام لا؟
س/ماذا بعد ارسال الملفات ؟هل تجري الجامعه اختبار تحديد مستوى او غيره؟
س/وهل هنالك برنامج تعريفي للسنه التحضيريه تقوم به الجامعه؟ ومتى ؟


وشكرا..’

طالب مستجد 2
11-07-2012, 09:54 AM
السلام عليكم
اخباركم يالدكاتره ؟
الحمدلله قبلت في البرنامج الموحد للكليات الصحية
وعندي كم استفسار حاب انكم تجاوبوني عليها

س/ هل هناك سنه تحضيريه ام لا؟
س/هل هنالك اختبار تحديد مستوى اوغيره؟
س/هل الجامعه انتقلت للمبنى الجديد؟
س/متى موعد مطابقة بطاقة الاحوال المدنيه مع العلم اني ارسلت ملفي عن طريق البريد


وشكرا..::aq5:

DR.BEZL
11-07-2012, 10:10 AM
السلام عليكم
اخباركم يالدكاتره ؟
الحمدلله قبلت في البرنامج الموحد للكليات الصحية
وعندي كم استفسار حاب انكم تجاوبوني عليها

س/ هل هناك سنه تحضيريه ام لا؟
طبعا فيه سنة تحضيرية ..
س/هل هنالك اختبار تحديد مستوى اوغيره؟
موجود ان شاء الله ..
س/هل الجامعه انتقلت للمبنى الجديد؟
نعم انتقلت من السنة الماضية ..
س/متى موعد مطابقة بطاقة الاحوال المدنيه مع العلم اني ارسلت ملفي عن طريق البريد
ماني فاهم وش تقصد بالضبط من سؤالك .. بس خلاص دامك ارسلت مستنداتك انت مقبول ..


وشكرا..::aq5:

العفو .. اي استفسار انا و الشباب ما نقصر ان شاء الله ض32

* جوابي بالاحمر طبعا :bz1:

DR.BEZL
11-07-2012, 10:21 AM
السلام عليكم ورحمة الله وبركاته
كيف حالكم؟
الحمدلله ان قبلت في البرنامج الموحد للكليات الصحيه
وارسلت اوراقي للجامعه عبر البريد
بس عندي عدة اساله ملخبطتني شوي
س/هل هنالك سنه تحضيريه ام لا؟
جاوبتك في الاقتباس اللي قبله ..
س/ماذا بعد ارسال الملفات ؟هل تجري الجامعه اختبار تحديد مستوى او غيره؟
الحين ما عليك الا انك تفلها و تنبسط .. احتمال قبل الدراسة بكم يوم يصير اختبار تحديد المستوى .. و هذا اللي صار معنا السنة الماضية ..
س/وهل هنالك برنامج تعريفي للسنه التحضيريه تقوم به الجامعه؟ ومتى ؟
ان شاء الله

وشكرا..’


موففق مرره ثانيه .. شكلك محتاس و شايل هم .. يالغالي هدي نفسك و ترى الامور جدا بسيطه ..
و على قول الدكتور محمد ( السنة التحضيرية اسرع سنة بتمر في حياتكم .. ) :aq5:
الله يوفقكم جميع .. ض32

Dr.MeDo
11-07-2012, 10:40 PM
العفو .. اي استفسار انا و الشباب ما نقصر ان شاء الله ض32

* جوابي بالاحمر طبعا :bz1:

موففق مرره ثانيه .. شكلك محتاس و شايل هم .. يالغالي هدي نفسك و ترى الامور جدا بسيطه ..
و على قول الدكتور محمد ( السنة التحضيرية اسرع سنة بتمر في حياتكم .. ) :aq5:
الله يوفقكم جميع .. ض32

آلله يعطيييكـ آلف عآفيه يآبو سعد ض32 ض32 ,,, :aq5:

Dr.ClassiC
12-07-2012, 01:48 AM
السلام عليكم ..

كيفكم يا دكاترة المستقبل

عندي كم استفسار..

الاول : الروتين

بما انكم دكاترة وقد خضتوا هالتجربة وش تنصحونا فيه

هل اول ما نجي نسحبها للساعة 1 بالليل
او نواصل للساعة 9 ننام
او نقيل للمغرب ثم نقوم
وكم مدة المذاكرة يوميا

ساعة او ساعتين ؟؟


واذا جات الاختبارات كم ساعة تقريبا ( خصوصا في المواد الصعبة كالانجليزي )

السؤال الثاني انا بدي ادرس انجليزي فماذا تنصحوني

ادرس برمضان او اول ما تبدا الدراسة ادخل معهد شهر ؟؟

او اجيب مدرس بالنيو هورايزن يدرسني شهر اول ما تفتح الدراسة ؟؟

ابي افادة قوية بليز..:و1:ض32

DR.B
12-07-2012, 02:48 AM
اهلا شباب
سؤال :(
انا من الناس الي يحبون الكورة (الدوري الأنجليزي )
وممكن في الأسبوع مباراتين بس وماهي بنفس اليوم رح اشوف
هل تنصحوني اجدد اشتراكي ولا لا ؟!!
طبعا رح يكون اوكات فاضي فيها انا

وانتم وش رايكم

ومن منكم يحب الكورة ودخل طب بشري ؟؟ ابي اشوف انا ولا اكنسل اوووم الدعوة

Dr.is3d
12-07-2012, 05:15 AM
اهلا شباب
سؤال :(
انا من الناس الي يحبون الكورة (الدوري الأنجليزي )
وممكن في الأسبوع مباراتين بس وماهي بنفس اليوم رح اشوف
هل تنصحوني اجدد اشتراكي ولا لا ؟!!
طبعا رح يكون اوكات فاضي فيها انا

وانتم وش رايكم

ومن منكم يحب الكورة ودخل طب بشري ؟؟ ابي اشوف انا ولا اكنسل اوووم الدعوة

والله شف أنا هلالي ومدريدي ، ونادر أفوت مباريات وما أشوفها ض1
وغير كذا لا تحط ببالك إنو والله مثلا متابعتك للمباريات راح تأثر بمستواك !!
أنا أستغرب من اللي وقت الامتحانات يقفل خدمة البيبي وانه لو خلا البيبي مفتوح مب مذاكر ولا جايب نسبه !!
بالعكس ، وقت امتحاناتي بالثانويه اطقطق بيبي و العب بلايستيشن واطلع واجي و اذاكر وما فكرت ان هالاشياء بتأثر علي
لأنك لو تحط براسك إنو والله أبغا أجيب معدل وبدخل طب بشري ماراح يوقف بطريقك شي بعون الله طبعا
جدد الاشتراك و شف المباريات ، وبجيك أشوفها عندك بعد وريح بالك :bz1::bz1:

DR.BEZL
12-07-2012, 05:39 AM
و الله ي غالي جدد و تفرج و انبسط .. بس لا تهمل مذاكرتك ..
انا كنت اتابع مباريات و مشترك في الجزيرة طول السنة و الحمد لله
معدلي عالي و دخلت التخصص اليي ابغاه .. يعني التحضيرية مو سجن ..
فلوها و صدقوني بتلقون وقت فراغ كبير .. موفقين

DR.BEZL
12-07-2012, 05:43 AM
على الطاري ذكرتني بموقف صار لي و انا في التحضيرية ..
يوم كانت مباراة ارسنال ضد ميلان الاياب اللي فاز فيها ارسنال 3-0 .. كان ذاك اليوم علينا اختبار الساعة 7
الليل فيزياء .. الترم الثاني طبعا .. المهم طلعنا من الجامعة قلت ما يحتاج ارجع الرياض خلنا نتابع المباراة ض1
و الله و رحنا مقهى مع الشباب و تفرجنا و انبسطنا لا و نمت في الخرج ذاك اليوم :bz1:
و الله ايام راحت بسرعه ض17 ..
الله يوفقكم ي عيال ..

Dr.ClassiC
12-07-2012, 01:20 PM
بالعكس انا الحين اليوم او بكرة بروح اجدد اشتراكي ونفس ما قال اخوي سعد بنروح نشوفها عندك :bz1:

Dr.ClassiC
12-07-2012, 01:22 PM
السلام عليكم ..

كيفكم يا دكاترة المستقبل

عندي كم استفسار..

الاول : الروتين

بما انكم دكاترة وقد خضتوا هالتجربة وش تنصحونا فيه

هل اول ما نجي نسحبها للساعة 1 بالليل
او نواصل للساعة 9 ننام
او نقيل للمغرب ثم نقوم
وكم مدة المذاكرة يوميا

ساعة او ساعتين ؟؟


واذا جات الاختبارات كم ساعة تقريبا ( خصوصا في المواد الصعبة كالانجليزي )

السؤال الثاني انا بدي ادرس انجليزي فماذا تنصحوني

ادرس برمضان او اول ما تبدا الدراسة ادخل معهد شهر ؟؟

او اجيب مدرس بالنيو هورايزن يدرسني شهر اول ما تفتح الدراسة ؟؟

ابي افادة قوية بليز..

Dr.Muhammd
12-07-2012, 03:01 PM
بما انكم دكاترة وقد خضتوا هالتجربة وش تنصحونا فيه

هل اول ما نجي نسحبها للساعة 1 بالليل
او نواصل للساعة 9 ننام
او نقيل للمغرب ثم نقوم
وكم مدة المذاكرة يوميا

ساعة او ساعتين ؟؟


شوف كل شخص له نمط حياتي مخنلف عن الاخر
انا لي نظام غريب شوي وما شفت احد يطبقه غيري
لكن اغلب طلاب كليتنا نظامهم
يرجع من الدوام ينام ساعتين بعدها يقوم يتغدى ويبدا يذاكر من ٣ الى ٤ ساعات باليوم
وينام بعدها ...بس اذا عنك مباراة ممكن تشوفها بس لازم تذاكر قبل المباراة يعني خل عندك اولويات واهم شئ الدراسه

واذا جات الاختبارات كم ساعة تقريبا ( خصوصا في المواد الصعبة كالانجليزي )


ايام الاختبارات تفرق من طالب الى طالب انت ممكن ٦ ساعات وفيه واحد ١٦ ساعه يعني اذا هو يذاكر اول باول تفرق معه

وانصح انك تستغل الويك اند بالمذاكره وتضبط امورك

بس ترى الانجليزي مو صعبه والله سهله ،،جرب تحبها .. تعلمها مو بس للدرجه لانك بتستخدمها مستقبلاً

وتذكر انها مو ماده علميه هي لغه



السؤال الثاني انا بدي ادرس انجليزي فماذا تنصحوني

افلام و مسلسلات

ادرس برمضان او اول ما تبدا الدراسة ادخل معهد شهر ؟؟

اللي يريحك لكن معهد مع الكليه بيكون متعب نوعا ما لك

او اجيب مدرس بالنيو هورايزن يدرسني شهر اول ما تفتح الدراسة ؟؟


والله انا نصحتك اللغه مو ماده علميه تعال اشرح لي هي لغه تتعلم كلمات و قواعد و تطور مهارات الاستماع و المحادثه

عليك بالمسلسلات و الافلام والله تساعدك

اذا عندك قدره ماديه تطلع برا شهر ترى حلو

يعني حتى لو ما كانت طويله و الاستفاده انت تحس انها قليله بس راح تطور مهاراتك وانت ما تحس

او ادخل معاهد بالصيف
يعني انا استغرب بصراحه انت عارف ان الدراسه بالانقلش ليه ما اشتغلت عليها من ايام الثانوي
او على الاقل اول الصيف

لا تخاف اذا انت حاط ببالك انك تطور لغتك وشديت حيلك

بتمشي امورك
بالتوفيق

Dr.MeDo
12-07-2012, 08:18 PM
شوف كل شخص له نمط حياتي مخنلف عن الاخر
انا لي نظام غريب شوي وما شفت احد يطبقه غيري
لكن اغلب طلاب كليتنا نظامهم
يرجع من الدوام ينام ساعتين بعدها يقوم يتغدى ويبدا يذاكر من 3 الى 4 ساعات باليوم
وينام بعدها ...بس اذا عنك مباراة ممكن تشوفها بس لازم تذاكر قبل المباراة يعني خل عندك اولويات واهم شئ الدراسه



ايام الاختبارات تفرق من طالب الى طالب انت ممكن 6 ساعات وفيه واحد 16 ساعه يعني اذا هو يذاكر اول باول تفرق معه

وانصح انك تستغل الويك اند بالمذاكره وتضبط امورك

بس ترى الانجليزي مو صعبه والله سهله ،،جرب تحبها .. تعلمها مو بس للدرجه لانك بتستخدمها مستقبلاً

وتذكر انها مو ماده علميه هي لغه




افلام و مسلسلات


اللي يريحك لكن معهد مع الكليه بيكون متعب نوعا ما لك



والله انا نصحتك اللغه مو ماده علميه تعال اشرح لي هي لغه تتعلم كلمات و قواعد و تطور مهارات الاستماع و المحادثه

عليك بالمسلسلات و الافلام والله تساعدك

اذا عندك قدره ماديه تطلع برا شهر ترى حلو

يعني حتى لو ما كانت طويله و الاستفاده انت تحس انها قليله بس راح تطور مهاراتك وانت ما تحس

او ادخل معاهد بالصيف
يعني انا استغرب بصراحه انت عارف ان الدراسه بالانقلش ليه ما اشتغلت عليها من ايام الثانوي
او على الاقل اول الصيف

لا تخاف اذا انت حاط ببالك انك تطور لغتك وشديت حيلك

بتمشي امورك
بالتوفيق

+1 ,, يعطيك العآفيه يآ دكتور محمد ض32 ,,

وآنآ كذلك اؤكد انكـ لو تبي تدرس انجليزي تبدأ من الآن ., سوآء تطلع برآ او تدرس بمعهد او تدرس بنفسك .. لان إذآ دخلت التحضيريه لازم تذآكر اللي عليك ..

وإذآ ذاكرت اللي عليك .. والتزمت بالمعهد بتحس انك تتعب شوي خصوصاً لو كنت بـ تداوم من الريآض ..

لكـن من الآن انتبه لنفسك وآدرس انجليزي وبيوفقك رب العآلمـين ض32 ,,

Dr.ClassiC
12-07-2012, 09:28 PM
يا دكاترة يعطيكم الف عافية
بيض الله وجيهكم ..

بالنسبة لدكتور محمدض32

ان شاء الله اني بتابع المسلسلات والافلام ض32


د. ميدو ض32

//

الله يعطيك العافية ويجزاك خير ض32ض32


:و1::aq5:

Dr.MeDo
13-07-2012, 12:03 AM
يا دكاترة يعطيكم الف عافية
بيض الله وجيهكم ..

بالنسبة لدكتور محمدض32

ان شاء الله اني بتابع المسلسلات والافلام ض32


د. ميدو ض32

//

الله يعطيك العافية ويجزاك خير ض32ض32


:و1::aq5:

وجهكـ آبيض يآ بعدي .. مآ سوينآ إلا الوآجب ..

بـ التوفيق يآ بعدي ض32 ض32

ابراهيم سليمان
13-07-2012, 02:45 AM
السلام عليكم ،يا عيال انا قبلوني في البرنامج الموحد بالخرج وأبي احول لسعود في التحضير يه الطبيه ،يمديني ولا لا .وشكرا

DR.B
13-07-2012, 03:42 AM
والله شف أنا هلالي ومدريدي ، ونادر أفوت مباريات وما أشوفها ض1
وغير كذا لا تحط ببالك إنو والله مثلا متابعتك للمباريات راح تأثر بمستواك !!
أنا أستغرب من اللي وقت الامتحانات يقفل خدمة البيبي وانه لو خلا البيبي مفتوح مب مذاكر ولا جايب نسبه !!
بالعكس ، وقت امتحاناتي بالثانويه اطقطق بيبي و العب بلايستيشن واطلع واجي و اذاكر وما فكرت ان هالاشياء بتأثر علي
لأنك لو تحط براسك إنو والله أبغا أجيب معدل وبدخل طب بشري ماراح يوقف بطريقك شي بعون الله طبعا
جدد الاشتراك و شف المباريات ، وبجيك أشوفها عندك بعد وريح بالك :bz1::bz1:
صراحة انا من الناس الي اوقف خدمتي بس انا اساسا مليت من شي اسمه بيبي (( بس رح اخلية عندي علشان اتواصل مع اصدقائي الي رح انقطع عنهم واصدقاء الجامعة بس ولا انا رجال لستتي م تجي 60 ))
وبخصوص الكورة اعتقد باجدد اشتراكي ان شاء الله بس انا من متابعين الدوري الافضل في العالم الانجليزي ماهوب دوري مع نفسك ض1
وان شاء الله نشوف مباريات مع بعض ض32ض17ض1

و الله ي غالي جدد و تفرج و انبسط .. بس لا تهمل مذاكرتك ..
انا كنت اتابع مباريات و مشترك في الجزيرة طول السنة و الحمد لله
معدلي عالي و دخلت التخصص اليي ابغاه .. يعني التحضيرية مو سجن ..
فلوها و صدقوني بتلقون وقت فراغ كبير .. موفقين
الله يجزاك خير ي رب

على الطاري ذكرتني بموقف صار لي و انا في التحضيرية ..
يوم كانت مباراة ارسنال ضد ميلان الاياب اللي فاز فيها ارسنال 3-0 .. كان ذاك اليوم علينا اختبار الساعة 7
الليل فيزياء .. الترم الثاني طبعا .. المهم طلعنا من الجامعة قلت ما يحتاج ارجع الرياض خلنا نتابع المباراة ض1
و الله و رحنا مقهى مع الشباب و تفرجنا و انبسطنا لا و نمت في الخرج ذاك اليوم :bz1:
و الله ايام راحت بسرعه ض17 ..
الله يوفقكم ي عيال ..
احم احم احم جبت فريقي (ارسنال ) ض32ض32ض32ض32ض32

بالعكس انا الحين اليوم او بكرة بروح اجدد اشتراكي ونفس ما قال اخوي سعد بنروح نشوفها عندك :bz1:
حياكم الله القهوة ي ورع ض1 ض17

DR.B
13-07-2012, 03:44 AM
^^
بس انتظر الدكتور محمد وميمي يردون علي ض32

DR.B
13-07-2012, 03:47 AM
دكتور محمد ودكتور ميمي
تشوفون الكورة انتم ؟؟ ض1

المصباح المنير
13-07-2012, 03:48 AM
مشكور على افادة الطلاب

Dr.Muhammd
13-07-2012, 09:50 AM
انا هلالي و تشلساوي

ض33

اشوف كوره واطلع مع ربعي واروح للاستراحه بالويك اند

لكن
فيه شئ اسمه اولويات

واهم شئ دراستك اذا عندك تعارض مواعيد قدم دراستك
لازم تحس بطعم القهر شوي :bz1: بس اذا تخصصت لا تفوت ولا مباراة

انا اتابع الدوري الانجليزي و الدوري السعودي لكن تعرف مو كل المباريات لكن اكثر من 70٪ اشوفهم


بالنهايه اقول الدوري ما ينفعك اذا تخصصت تخصص ما تبيه

بالتوفيق

Dr.MeDo
13-07-2012, 02:27 PM
دكتور محمد ودكتور ميمي
تشوفون الكورة انتم ؟؟ ض1

هههههههههههه آنآ فـي حيآتـي كلها ما عمـري شفت مبآرآة كآملة ..

مآ آدآنـي شيء اسسمه كـورهـ .. سوآء فـي التلفزيون وإلا العب فـي الملعب ..

#حتى اسماء اللاعبين ما اعرف إلا ياسر والشلهوب لآنهم يلعبون فـي المنتخب ض17 ض17 ..

* مآي نيم إز ميدو موب ميمي ض17 ض17 ,,

:و1: :و1: :و1:

Dr.ClassiC
13-07-2012, 02:33 PM
انا المشكلة اني متعصب هههههههههههههههههههههههههههههههههه ما ادري كيف اذاكر

انا اعشق شيء اسمه ليفربول

وذاك اليوم يوم تقابلو تشيلسي وليفربول >> فاز تشيلسي كان خويي يستهبل علي ورفع ضغطي رحت المدرسة مواصل ما عرفت انام
هههههههههههههههههههههههههههههههههههههههههههههههههه ههههههههههههههههههههههههههههههههه



ياويل الي بيضحك ض17

Dr.MeDo
13-07-2012, 02:42 PM
انا المشكلة اني متعصب هههههههههههههههههههههههههههههههههه ما ادري كيف اذاكر

انا اعشق شيء اسمه ليفربول

وذاك اليوم يوم تقابلو تشيلسي وليفربول >> فاز تشيلسي كان خويي يستهبل علي ورفع ضغطي رحت المدرسة مواصل ما عرفت انام
هههههههههههههههههههههههههههههههههههههههههههههههههه ههههههههههههههههههههههههههههههههه



ياويل الي بيضحك ض17

هههههههههههههههههههه <~ يضحك لعآنه :bz3: :bz3: ,,

شف يآلغآلي مثل مآ قآلوآ العيآل .. انت حط لكل شيء أولويآت .. وهـي المذآكرهـ .. وبعدهآ حط الكورهـ .. وتآبع مبآريآتك ومآ عليك ..

لكـن الشيء المهمـ هو المذذآكرهـ لازم تحطها من أولويآتكـ عشآن تدخل التخصص اللي انت تبيه ض32 ,,

:و1: :و1: :aq5:

محتااااار
13-07-2012, 03:14 PM
استفسارات الطلاب المستجدين في سنه التحضيريه للكوره ..ض17

^
امزح لحد يعصب ض1

_________________

و اتمنى لكم التوفيــق يارب ..
و انا هالايام في حيره من امري و متحجر بقوه

انا لدي رغبه و ابوي عكسها و اخوي الكبير ينصحني بشى ثاني ض15

( ارامكو صداره , كلية الامير سلطان للعلوم الصحيه , جامعة سلمان )

____

بس يا شباب جزاكم الله خير سؤال .. هل اذا تخرجت على خير القى وظيفه بسهوله
( اقصد شهادة سلمان يعني قويه )
اخاف اطول و انا ادور وظيفه


بس الله يسهل ض32

Dr.MeDo
13-07-2012, 03:27 PM
استفسارات الطلاب المستجدين في سنه التحضيريه للكوره ..ض17

^
امزح لحد يعصب ض1

_________________

و اتمنى لكم التوفيــق يارب ..
و انا هالايام في حيره من امري و متحجر بقوه

انا لدي رغبه و ابوي عكسها و اخوي الكبير ينصحني بشى ثاني ض15

( ارامكو صداره , كلية الامير سلطان للعلوم الصحيه , جامعة سلمان )

____

بس يا شباب جزاكم الله خير سؤال .. هل اذا تخرجت على خير القى وظيفه بسهوله
( اقصد شهادة سلمان يعني قويه )
اخاف اطول و انا ادور وظيفه


بس الله يسهل ض32

ض17 ض17

----

ونحن نتمنى لك التوفيق ض32 .. شف يآلغآلـي بصرآحه موقفك صعب شوي .. لكـن تحتاج تتغلب عليه وتصبر ,, انا من رأيي انك تدخل رغبتك .. صحيح لازم تقنع ابوك .. بسس اللي رغبتك فيها هذي اهم شيء ..

حآول فـي الوآلد وإن شآء الله يوافق ..

----

إذآ تخرجت إن شآء الله بتحصل وظيفه .. لكـن الوظيفه تعتمد على معدلكـ .. يعنـي انت اللي تقوّي شهادتك بيدكـ .. انت شد حيلكـ وجب معدل كويسس وااناا اضمن لك إن شآء الله انك تنقبل فـي اللي تبيه ..

الله يوفقكـ إن شآء الله ض32 ض32

محتااااار
13-07-2012, 03:47 PM
اللهم امين و جزاك الله الخير ..

و من جد في موقف لا يعلم فيه الا الله ..

و مشكله ان الوالد عصبي ض1 بس ان شاءالله يكتب بما فيه من الخير
و من ناحية الجد و الاجتهاد ان شاءالله و انا الصحي رغبتي الاولى ض32

طالب مستجد 2
13-07-2012, 06:00 PM
ماقصرتو بيض الله وجيهكم
بس فيه مواضيع قريتها مكتوب ان الجامعه ماانتقلت للبنى الجديد ومافيه سكن
وبتكون دراسة السنه التحضيريه في كلية اتوقع شي فيه دراسات انسانيه وكذا

Dr.MeDo
13-07-2012, 06:04 PM
ماقصرتو بيض الله وجيهكم
بس فيه مواضيع قريتها مكتوب ان الجامعه ماانتقلت للبنى الجديد ومافيه سكن
وبتكون دراسة السنه التحضيريه في كلية اتوقع شي فيه دراسات انسانيه وكذا

وجهكـ آبيض يآلغآلـي ..

بعض الكليات انتقلت للمبنى الجديد .. ودآومنا السنه الماضيه كلها في المبنى الجديد ( المدينه الجامعيه ) ..

والدراسة فـي السنه التحضيريه بتكون فـي كلية الدراسات الإنسآنيه وهـي موجودهـ في المدينه الجامعيه الجديدهـ ..

يعنـي انتم يا المستجدين في السنه التحضيريه الصحيه بتداومون فـي الجديدهـ ض32 .. مبنى كلية الدرآسآت الآنسآنية ,,


ض32 ض32

DR.B
14-07-2012, 01:25 AM
انا هلالي و تشلساوي

ض33

اشوف كوره واطلع مع ربعي واروح للاستراحه بالويك اند

لكن
فيه شئ اسمه اولويات

واهم شئ دراستك اذا عندك تعارض مواعيد قدم دراستك
لازم تحس بطعم القهر شوي :bz1: بس اذا تخصصت لا تفوت ولا مباراة

انا اتابع الدوري الانجليزي و الدوري السعودي لكن تعرف مو كل المباريات لكن اكثر من 70٪ اشوفهم


بالنهايه اقول الدوري ما ينفعك اذا تخصصت تخصص ما تبيه

بالتوفيق
جزاك الله خير دكتور حمود صراحة انا هلالي وارسنالي بس هلالي على الورف
يعني السنة الجاية ان شاء الله رح الشوف مباريات فري واحد انت ايش رايك ؟؟



هههههههههههه آنآ فـي حيآتـي كلها ما عمـري شفت مبآرآة كآملة ..

مآ آدآنـي شيء اسسمه كـورهـ .. سوآء فـي التلفزيون وإلا العب فـي الملعب ..

#حتى اسماء اللاعبين ما اعرف إلا ياسر والشلهوب لآنهم يلعبون فـي المنتخب ض17 ض17 ..

* مآي نيم إز ميدو موب ميمي ض17 ض17 ,,

:و1: :و1: :و1:
ادري يدكتور انك ميدو بس ادلعك اول ميمي ض17

انا المشكلة اني متعصب هههههههههههههههههههههههههههههههههه ما ادري كيف اذاكر

انا اعشق شيء اسمه ليفربول

وذاك اليوم يوم تقابلو تشيلسي وليفربول >> فاز تشيلسي كان خويي يستهبل علي ورفع ضغطي رحت المدرسة مواصل ما عرفت انام
هههههههههههههههههههههههههههههههههههههههههههههههههه ههههههههههههههههههههههههههههههههه



ياويل الي بيضحك ض17

ليفر بولي عظم الله اجرك ض17


____________________
شكرا لكم بس محمد رد علي اوكي

Dr.Muhammd
14-07-2012, 09:06 AM
انصحك تسحب على الكوره ولا تناظر جدول الدوري لانكم ما راح تاخذونه
ركز بدراستك واذا خلصت مذاكر
وكان فيه مباراه رح شفها

لا تشوف مباره الا وانت مخلص دراسه لا تقول بخلص المباراه و اروح اذاكر هذه اكبر كذبه :bz1:

DR.B
15-07-2012, 01:51 AM
انصحك تسحب على الكوره ولا تناظر جدول الدوري لانكم ما راح تاخذونه
ركز بدراستك واذا خلصت مذاكر
وكان فيه مباراه رح شفها

لا تشوف مباره الا وانت مخلص دراسه لا تقول بخلص المباراه و اروح اذاكر هذه اكبر كذبه :bz1:

هههههههه لا بناخذة

طيب انت تعرف جدول الدوري الانجليزي العصر مبارياتهم كيف تبيني اذاكر قبل المبارات ؟؟

Dr.is3d
15-07-2012, 01:54 AM
هههههههه لا بناخذة

طيب انت تعرف جدول الدوري الانجليزي العصر مبارياتهم كيف تبيني اذاكر قبل المبارات ؟؟

هو صح العصر ، بس بما انك بتجي من الجامعه 3
ومب ممديك تنام بتصلي وبتنتظر المباراه
ومتى تخلص الا هه قبل المغرب بشويات ! ، متى يمديك تذاكر وتنام الا انت هلكان متعب عمرك
يبي لك تضبط وضعك .. يازين الاسباني تالي الليل ض1

DR.B
15-07-2012, 01:58 AM
ههههه ي حبيلك انا رجال نومي ثقيل :( بانام من الساعة 10 او 11 ان شاء الله يعني 8 ساعات + قومة الفجر وباشبع ان شاء الله يعني م احتاج قيلولة

Dr.is3d
15-07-2012, 02:04 AM
ههههه ي حبيلك انا رجال نومي ثقيل :( بانام من الساعة 10 او 11 ان شاء الله يعني 8 ساعات + قومة الفجر وباشبع ان شاء الله يعني م احتاج قيلولة

ههههههههه الحال من بعضه :bz1:

Mr.meshal
15-07-2012, 02:03 PM
ما شاء الله ذا موضوع سوالف مو استفسارات هههههههه عوافي عليكم^^

حبيت استفسر سمعت ان كان فيه استبيان تطوير لغتك في كندا على حساب الجامعه في العطلة الصيفيه هل هذا صحيح ؟!
والاستبيان هذا هل هو مطبق الآن وتسطيع اخذ دورات بكندا لتطوير اللغه؟

.......
اوف يا طول سؤالي تحملوني شوي خخخخخ

Dr.is3d
15-07-2012, 02:15 PM
ما شاء الله ذا موضوع سوالف مو استفسارات هههههههه عوافي عليكم^^

حبيت استفسر سمعت ان كان فيه استبيان تطوير لغتك في كندا على حساب الجامعه في العطلة الصيفيه هل هذا صحيح ؟!
والاستبيان هذا هل هو مطبق الآن وتسطيع اخذ دورات بكندا لتطوير اللغه؟

.......
اوف يا طول سؤالي تحملوني شوي خخخخخ

اللي تبي :bz1:
والله سؤالك مدري ماسمعت بهالشيء ولا احد جاب طاريه :az1:

ابو بدر البريك
15-07-2012, 02:18 PM
الحين اول يوم ندخل الجامعة وش نسوي وين نروح ؟

Mr.meshal
15-07-2012, 02:18 PM
اللي تبي :bz1:
والله سؤالك مدري ماسمعت بهالشيء ولا احد جاب طاريه :az1:


انا دخلت على موقع الجامعه وقريت عن دورات اللغه الي بكندا وقت الصيفيه لكن الكلام هذا كان استبيان حبيت اعرف ان كان طبقوه ولا لا :bz1:

Dr.is3d
15-07-2012, 02:22 PM
الحين اول يوم ندخل الجامعة وش نسوي وين نروح ؟

والله يقولون انه راح يكون تقريبا يوم تعريفي ، بس عموما انت رح وشف
كان طلعت الجداول وتمش وكذا وش وراك ض1*

Dr.is3d
15-07-2012, 02:23 PM
انا دخلت على موقع الجامعه وقريت عن دورات اللغه الي بكندا وقت الصيفيه لكن الكلام هذا كان استبيان حبيت اعرف ان كان طبقوه ولا لا :bz1:

لا ماظنيت ابد طبقوه :bz1:
ساحبين على مكافأة الطلاب تبي يطلعونهم برا :bz1:

Mr.meshal
15-07-2012, 02:25 PM
لا ماظنيت ابد طبقوه :bz1:
ساحبين على مكافأة الطلاب تبي يطلعونهم برا :bz1:

ههههههههههه اييييييييييييه ما علينا :bz1:
اصلا عادي هونت مابي اطلع برااا ككككككك

Dr.Muhammd
15-07-2012, 03:02 PM
الحين اول يوم ندخل الجامعة وش نسوي وين نروح ؟



ان شاء الله
اول يوم ترح لكليه العلوم و الدراسات الانسانيه وراح يكون هناك يوم تعريفي

وان شاء الله فيه ناس تستقبل استفسارات

raf3y
16-07-2012, 08:03 AM
انا عندي استفسار بسيط
وهو
هذ العام وقفت عند اي نسبة القبول مع العلم ان نسب القبول بجامعة سعوود وقفت عند النسب التالية
http://up.5aa5.com/uploads/images/5aa5-16f1b3d352.jpg (http://up.5aa5.com/uploads/images/5aa5-16f1b3d352.jpg)

Dr.Muhammd
16-07-2012, 09:09 AM
ما اعلنوها رسمي

لكن الطب سمعت من كليتنا انه وقف على ٤.٤٥

raf3y
16-07-2012, 01:20 PM
ما اعلنوها رسمي

لكن الطب سمعت من كليتنا انه وقف على 4.45

:aq5:لك كل الشكر:aq5:

raf3y
16-07-2012, 01:25 PM
طيب
استفسار اخير
اللحين ارسلت اوراقي وبعد
ارسلولي تم استلام الاوراق
علي شي بعد ولا خلاص ارتاح ومع بداية الدراسة اجي
وكلية الدراساتت الانسانية هاذي في نفس المدينة الجامعية ولا لا
مع الشكر

Dr.MeDo
16-07-2012, 01:39 PM
طيب
استفسار اخير
اللحين ارسلت اوراقي وبعد
ارسلولي تم استلام الاوراق
علي شي بعد ولا خلاص ارتاح ومع بداية الدراسة اجي
وكلية الدراساتت الانسانية هاذي في نفس المدينة الجامعية ولا لا
مع الشكر

مبرؤؤؤك يآلغآلـي ..

خلاص يالغآلـي الآن ارتآح ومع بداية الدراسه رح لهم .. لكـن خل جوالكـ مفتوح .. لآن يمكن يحطون اختبآر تحديد مستوى قبل الدراسة بـ كم يوم .. ( مثل السنه الماضية ) .. أرسلوا لنا رسآئل وقالوا الاختبآر بعد يومين تعآلوا اختبروا ..

والرقم الجآمعـي جاني السنه الماضيه ليلة الدوامات .. يعني الجمعه فـي الليل وبكرهـ نداومـ . ض32 ..

وكلية الدراسات الانسانية نعم موجوده فـي المدينه الجامعيه ,, ض32

محتااااار
16-07-2012, 02:28 PM
يا شباب جزاكم الله الخير متى دوامات القبول و التسجيل ..

و هل الخميس مفتوح و لا الجمعه ..

و اتمنى لو جيت اسحب ملفي انه يطلعون ملفي بيومه لان سلطان مهله 3 ايام فقط لتسليم الملف من ربوع لين الجمعه .. و انا ارسلت اوراقي امس للسلمان لجل اضمن مقعدي و بكرا نتائج سلطان ..

K.I.L.L.E.R
16-07-2012, 03:50 PM
السلام عليكم عندي استفسار الحين انا ابغا ادخل طب بشري ,, يعتمد دخولي علي بس معدلي الاكاديمي بالسنة التحضيرية ولا بتحصيلي والقدرات بعد؟؟ , ارجوا الافادة لضرورة وشكرا

K.I.L.L.E.R
16-07-2012, 03:52 PM
يا شباب جزاكم الله الخير متى دوامات القبول و التسجيل ..

و هل الخميس مفتوح و لا الجمعه ..

و اتمنى لو جيت اسحب ملفي انه يطلعون ملفي بيومه لان سلطان مهله 3 ايام فقط لتسليم الملف من ربوع لين الجمعه .. و انا ارسلت اوراقي امس للسلمان لجل اضمن مقعدي و بكرا نتائج سلطان ..

والله اليوم رحت لقيتهم موجودين كلهم

Dr.is3d
16-07-2012, 04:31 PM
اللحين أنا فالجامعة ، في مبنى كلية الطب والصيدلة ض1
مبنى جميل وكذا .. اهم شيء النت بدون باس ههههههههه ض1

Dr.Muhammd
16-07-2012, 05:11 PM
السلام عليكم عندي استفسار الحين انا ابغا ادخل طب بشري ,, يعتمد دخولي علي بس معدلي الاكاديمي بالسنة التحضيرية ولا بتحصيلي والقدرات بعد؟؟ , ارجوا الافادة لضرورة وشكرا


فقط على معدلك الاكاديمي بالسنه التحضيريه

raf3y
16-07-2012, 05:14 PM
اختبار تحديد المستوى
يأثر علي يعني لو رسبت فية
خلاص يلغى قبولي ولا بس عشااان يعرفوون مستوى الطلاب بس

K.I.L.L.E.R
16-07-2012, 06:26 PM
اختبار تحديد المستوى
يأثر علي يعني لو رسبت فية
خلاص يلغى قبولي ولا بس عشااان يعرفوون مستوى الطلاب بس

لا ماله دخل في معدلك ولا شي بس يحددون مستواك وحطوك في المستوى الي يصلحلك
بس بجامعة سلمان ماعتقد فيه تحديد مستوى

K.I.L.L.E.R
16-07-2012, 06:27 PM
فقط على معدلك الاكاديمي بالسنه التحضيريه

تشكر حبيبي

K.I.L.L.E.R
16-07-2012, 06:51 PM
ايش السالفه اليوم سئلت عن مقاعد الطب البشري ٣٠ مقعد بس خير ماكان ٥٠ ؟؟؟
طبعا الخبر جايني من عند سكرتير العميد للقبول والتسجيل

Dr.Muhammd
16-07-2012, 07:11 PM
اختبار تحديد المستوى
يأثر علي يعني لو رسبت فية
خلاص يلغى قبولي ولا بس عشااان يعرفوون مستوى الطلاب بس
فقط لتحديد مستواك

ايش السالفه اليوم سئلت عن مقاعد الطب البشري ٣٠ مقعد بس خير ماكان ٥٠ ؟؟؟
طبعا الخبر جايني من عند سكرتير العميد للقبول والتسجيل

انا سألت موظف شؤون الطلاب بكليتنا وقالي لي ٥٠ او ٥٤ مقعد

raf3y
16-07-2012, 09:53 PM
فقط لتحديد مستواك



انا سألت موظف شؤون الطلاب بكليتنا وقالي لي 50 او 54 مقعد
اساسا اللي بالبرنامج كم شخص يعني
200 مثلا داخلينة

Dr.MeDo
17-07-2012, 12:05 AM
اساسا اللي بالبرنامج كم شخص يعني
200 مثلا داخلينة

السنه المآضيهـ كآنت دفتعنـآ تقريباً 425 طآلب .. و قبـلوا منهمـ تقريباً 50 طآلب فـي الطب ..

لكـن هالسنه والله مدري كم طآلب ض32 ..



:و1: